ފަތުރުވެރިކަމުގެ ބޭނުމަށް 168 ރަށް ރިސޯޓުގެ ގޮތުގައި ތަރައްގީކުރުމުގެ މަސައްކަތް މިހާރުވެސް ކުރަމުން އަންނަ ކަމަށް ފަތުރުވެރިކަމާ ތިމާވެއްޓާ ބެހޭ ވަޒީރު ތާރިގު އިބްރާހީމް ވިދާޅުވެއްޖެއެވެ. 

މިއަދު ބޭއްވި ނޫސްވެރިންގެ ބައްދަލަުވުމުގައި ވަޒީރު ވިދާޅުވީ، 168 ރަށް ރިސޯޓުގެ ގޮތުގައި ތަރައްގީކުރުމުގެ މަސައްކަރް ކުރާއިރު، އޭގެތެރެއިން ހަތް ރިސޯޓެއްގެ މަސައްކަތް މިއަހަރުގެ ނިޔަލަށަ ނިމޭނެ ކަމަށެވެ.

އެއާއެކު، ރިސޯޓުތަކުން ބާޒާރަށް 1،000 އަށްވުރެ ގިނަ އެނދު ނެރެވިގެންދާނެ ކަމަށް ވަޒީރު ވަނީ ވިދާޅުވެފައެވެ.

މީގެއިތުރުން، ވަޒީރު ވިދާޅުވީ، އަމާޒަކީ ރާއްޖެއަށް ފަތުރުވެރިކަމުން ވަންނަ ޖުމްލަ ފައިސާގެ އަދަދު ހަ ބިލިއަން އެމެރިކާ ޑޮލަރަށް އިތުރުވުން ކަމަށެވެ.

ވަޒީރު އިތުރަށް ވިދާޅުވީ، ފާއިތުވި ދެ އަހަރު ތެރޭ އެންމެ ގިނައިން އެނދު އިތުރުވީ ގެސްޓުހައުސްތަކުން ކަމަށެވެ. އަދި ރައީސް މުއިއްޒު ވެރިކަމާއި ހަވާލުވެޑައިގަތް ފަހުން، އަށްވުރެ ގިނަ އެނދު ފަތުރުވެރިކަމުގެ ސިނާއަތަށް އިތުރުކޮށްފައިވާ ކަމަަށް ވަޒީރު ވަނީ ވިދާޅުވެފައެވެ.