އަންނަ އޭޕްރިލް 4 ގައި ބާއްވާ ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބުގައި ވާދަކުރާ ކެންޑިޑޭޓޫންގެ ނަމްބަރު ކަނޑައަޅަން ގުރުއަތުލުން ކުރިއަށް ގެންގޮސްފިއެވެ.
ކައުންސިލް އިންތިހާބަށް ކުރިމަތިލާ ޝަރުތު ހަމަވެފައިވާ ފަރާތްތަކުގެ ތެރެއިން، މާލެ ސިޓީގެ ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ނަންތައް ތަރުތީބު ކުރުމަށްޓަކައި ބޭއްވ ގުރުއަތުލުމުގައި ވަނީ ކ. ތުލުސްދޫ އާއި ކ. ގުރައިދޫ ފިޔަވައި އެހެން ހުރިހާ ރަށްރަށުގެ ކެންޑިޑޭޓުންގެ ނަން ތަރުތީބުކޮށްފަ އެވެ.
އެ ދެ ރަށުގެ ކައުންސިލަށް ވާދަކުރާ ކެންޑިޑޭޓުންގެ ނަން ތަރުތީބުކޮށްފައިނުވަނީ އެ ދެ ރަށާ ގުޅޭ ދެ މައްސަލައެއް ސުޕްރީމް ކޯތުގައި ހިނގަމުންދާތީ އެވެ. މިހާރު މި އިންތިހާބުގައި ވާދަކުރަނީ 2927 ކެންޑިޑޭޓުން ނެވެ. 67 ކެންޑިޑޭޓުން ވަނީ ނަން އަނބުރާ ގެންގޮސްފަ އެވެ.
މާލޭގެ މޭޔަރުކަމަށް ކުރިމަތިލާ ކެންޑިޑޭޓުންގެ ތަރުތީބު:
- އަމިއްލަގޮތުން: އަހުމަދު އައިހަމް މުހައްމަދު
- އަމިއްލަގޮތުން: އިސްމާއީލް ޒަރިޔަންދު
- އެމްޑީޕީ: އާދަމް އާޒިމް
- ޕީއެންސީ: މޫސާ އަލީ ޖަލީލު
- އަމިއްލަގޮތުން: އަބްދުالله މަހުޒޫމް މާޖިދު
އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ރައީސާގެ މަގާމަށް ކުރިމަތިލާ ކެންޑިޑޭޓުންގެ ތަރުތީބު:
- ޕީއެންސީ: އަލްއުސްތާޒާ އާޝިޔަތު އަލައިކާ އަދުނާން
- އަދާލަތު ޕާޓީ: މަރިޔަމް ޝިމާޒާ
- އެމްޑީޕީ: އާއިޝަތު ރީޝާ
މި ލިސްޓު އިލެކްޝަނުން ހޮނިހިރު ދުވަހު އާއްމުކުރާނެ އެވެ. މި އިންތިހާބުގައި ވޯޓުލުމުގެ ހައްގު ލިބިފައިވަނީ ޖުމްލަ 249،937 މީހަކަށެވެ. އެއީ 144،527 އަންހެނުންނާއި، 150،410 ފިރިހެނުންނެވެ.
