ބޮޑުތަކުރުފާނު މަގު ތަރައްގީކުރުމުގެ މަޝްރޫއުގެ ފުރަތަމަ ފިޔަވަހީގެ ސެގްމަންޓް 1ގެ މަސައްކަތްތައް ނިންމާލައި އެ ސަރަހައްދު އާއްމުންނަށް ހުޅުވާލައިފި އެވެ.
ސެގްމަންޓް 1 ގައި ހިމެނެނީ ޝަހީދު ހުސައިން އާދަމް ބިލްޑިންގްއާ ހަމައަށް ހިމެނޭ ސަރަހައްދެވެ. އެ ސަރަހައްދު ތަރައްގީކުރީ މަގު ފުޅާކުރުމަށްޓަކައި ބޭރުތޮށި 6 މީޓަރު ބޭރަށް ޖެއްސުމަށްފަހުއެވެ.
144 މިލިއަން ރުފިޔާއަށް ހިންގާ މި މަޝްރޫއުގެ ދަށުން 830 މީޓަރުގެ ސަރަހައްދެއް ތަރައްގީކުރެވޭއިރު، މަގު 4 ލޭނަށް ފުޅާކޮށް، ހިނގާ މީހުންނަށް ވަކި ލޭނެއް ގާއިމުކޮށް ފެން ހިންދާ ނިޒާމެއް ގާއިމުކުރާނެ އެވެ.
ދެން ކުރިއަށްދާނީ ދެވަނަ ފިޔަވަހީގެ މަސައްކަތެވެ. އެއީ ލޯކަލް މާރުކޭޓުން ފަށައިގެން ނޯތު ހާބަރާ ހަމައަށް ހިމެނޭ 250 މީޓަރުގެ ސަރަހައްދެވެ.
މިއީ 1 އަހަރާއި 3 މަސް ދުވަހުން ނިންމާގޮތަށް އެމްޓީސީސީއާ ހަވާލުކޮށްފައިވާ މަޝްރޫއުއެކެވެ.
