މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ބޯޑަށް ބަދަލުތަކެއް ގެނެސްފި އެވެ.
އެމްއޭސީއެލްގެ ބޯޑުގައި 6 ބޭފުޅަކު ތިއްބަވަނިކޮށް އިބްރާހިމް ނޫރައްދީން ބޯޑުން ވަކިކޮށްފައިވާކަން, ޕީސީބީން ވަނީ މިދިޔަ ހަފްތާގެ ބުރާސްފަތި ދުވަހު އަންގާފަ އެވެ. އެއާ އެކު އެ ކުންފުނީގެ ބޯޑަށް އައި ބަދަލުތައް ކުންފުނީގެ މުވައްޒަފުންނަށް މިއަދު އަންގާފައިވެ އެވެ.
އެގޮތުން މިހާރު އެ ކުންފުނީގެ ބޯޑުގައި ތިބެނީ 5 މެމްބަރުންނެވެ. އެއީ އިބްރާހިމް ޝަރީފު މުހައްމަދު (ސީއީއޯ)، އިބްރާހިމް ސިޔާދު ގާސިމް، އިބްރާހިމް މަހުދީ އަދި ސަހަރު ވަހީދާއި މުހައްމަދު ރިޔާޒް އެވެ.
އިބްރާހިމް ނޫރައްދީން އެމްއޭސީއެލްގެ ބޯޑަށް އައްޔަންކުރީ މާޗް 2019 ގަ އެވެ. އޭނާ ވަނީ ކުރީގެ ރައީސް މުހައްމަދު ނަޝީދުގެ ވެރިކަމުގައި އެމްއޭސީއެލްގެ ޗެއާމަންކަން ވެސް ކުރައްވައިފަ އެވެ.
