ގުޅީފަޅު ސަރަހައްދުގައި ދެ ލޯންޗު ޖެހުމުގެ ހާދިސާއެއް މިރޭ ހިނގައިފިއެވެ. މި ހާދިސާގައި 12 މީހަކަށް އަނިޔާވެ، މިވަގުތު އައިޖީއެމްއެޗްގައި ފަރުވާ ދެމުންދެއެވެ.
މި ހާދިސާގައި ޖެހުނީ 'ސެނޯރާ' އާއި ކޮއްދިއްޕަރު ރިސޯޓުގެ ލޯންޗެކެވެ. ހާދިސާގެ ސަބަބުން ސެނޯރާގެ ދިރުނބާކޮޅަށް ގެއްލުން ލިބިފައިވާއިރު، ކޮއްދިއްޕަރު ލޯންޗުގެ އެއްފަރާތް ވަނީ ބޮޑުތަނުން ހަލާކުވެފައެވެ.
ފުލުހުންގެ މައުލޫމާތުން، މި ހާދިސާ ހިނގި ޚަބަރު ލިބިފައިވަނީ މިރޭ 7:30 ހާއިރުއެވެ. އަނިޔާވި މީހުންނާއި އަނިޔާގެ މިންވަރުގެ އިތުރު ތަފްސީލެއް އަދި ހާމަކޮށްފައެއް ނުވެއެވެ.
ފުލުހުން މިހާރު މި މައްސަލައިގެ ތަހުގީގު ކުރިއަށް ގެންދަމުންދެއެވެ.
