މެދުއިރުމަތީގައި ހިނގަމުންދާ ހަމަނުޖެހުންތަކާއި ގުޅިގެން ރާއްޖެ އަށް ދިމާވެދާނެ ދަތިތައް ގާތުން ބެލުމަށް ރައީސުލްޖުމްހޫރިއްޔާ މިއަދު މެންދުރުފަހު ވަޒީރުންގެ ޚާއްސަ ކޮމިޓީއެއް އުފައްދަވައިފިއެވެ.

ރައީސް އޮފީހުގެ ސްޕޯކް ޕާސަން ހީނާ ވަލީދު އެކްސް ގައި ކުރެއްވި ޕޯސްޓެއްގައި ވިދާޅުވީ މި ކޮމިޓީ އަކީ ދިވެހި ރައްޔިތުންނަށް ކުރިމަތިވެދާނެ ދަތިތަކާއި ކުރިމަތިވާ ކަންކަން ޙައްލުކުރުމަށް ގުޅިގެން ފިޔަވަޅުތައް އެޅުމަށް އުފެއްދެވި ކޮމިޓީއެއް ކަމަށެވެ.

މި ކޮމެޓީގައި ހިމެނެނީ:

1. ފޮރިން މިނިސްޓަރ ޑރ. ޢަބްދުﷲ ޚަލީލް (ކޮމިޓީގެ ޗެއަރ)

2. ޑިފެންސް މިނިސްޓަރ މުޙައްމަދު ޣައްސާން މައުމޫން

3. ފިނޭންސް މިނިސްޓަރ މޫސާ ޒަމީރު

4. އިކޮނޮމިކް މިނިސްޓަރ މުޙައްމަދު ސަޢީދު

5. ޓްރާންސްޕޯޓް މިނިސްޓަރ މުޙައްމަދު އަމީން

6. ހޯމް މިނިސްޓަރ ޢަލީ އިޙްސާން

7. ޓޫރިޒަމް މިނިސްޓަރ ޠާރިޤު އިބްރާހީމް

8. ހަޔަޜއެޑިއުކޭޝަން މިނިސްޓަރ ޑރ. ޢަލީ ހައިދަރު

އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ސަޢީދު

އަދި، މި ވުޒާރާތަކުން މި ކަންކަމާއި ގުޅޭ އިތުރު މައުލޫމާތުތައް ހިއްސާކުރަމުން ދާނެ ކަމަށްވެސް ހީނާ ވިދާޅުވިއެވެ.

މިދިޔަ އަހަރުގެ ޖޫން މަހު ވެސް އިޒްރޭލުން އީރާނަށް ހަމަލާ ދިނުމާ އެކު ހަނގުރާމަ ފެށުނެވެ. އެފަހަރު 12 ދުވަސް ވަންދެން އިޒްރޭލާއި އީރާނުން މިސައިލާއި ޑްރޯނުން ހަމަލާ ބަދަލުކޮށްފައި ވާއިރު އީރާނުން ގިނަ އަދަދެއްގެ ބަޔަކު މަރުވެ ބޮޑެތި ގެއްލުންތައްވި އެވެ.