ދިވެހި މުޖުތަމަޢުގެ އިޖުތިމާއީ ގުޅުންތައް ވަރުގަދަކޮށް، ތިމާވެށީގެ ގޮތުން ދެމެހެއްޓެނިވި ރަށްތަކެއް ބިނާކުރުމުގެ އަމާޒުގައި، ރާއްޖޭގެ ކޮންމެ އަތޮޅެއްގައި ދަތުރުދާނެ ރަށެއް ތަރައްޤީކުރުމާއި ތިމާވެށީގެ ބޮޑެތި މަޝްރޫއުތަކެއް ކުރިއަށްގެންދިއުމަށް ދައުލަތުގެ ބަޖެޓުގައި ހިމަނައިފިއެވެ.
މަޖިލީހުގެ ރައީސް އަބްދުއްރަޙީމް އަބްދުﷲ ރިޔާސަތު ބެލެހެއްޓެވި ރައްޔިތުންގެ މަޖިލީހުގެ މިއަދުގެ ޖަލްސާގައި، އަންނަ އަހަރަށް ލަފާކުރާ ބަޖެޓު ބަޔާން އިއްވަވަމުން މާލީ ވަޒީރު ފާހަގަކުރެއްވި ގޮތުގައި، ސަރުކާރުން އެންމެ ބޮޑު އިސްކަމެއްދޭ އެއް ކަމަކީ ދިވެހިންގެ މެދުގައި އެކުވެރި، ދުޅަހެޔޮ އަދި ބަދަހި މުޖުތަމަޢެއް ޤާއިމުކުރުމެވެ. އެގޮތުން، ރައްޓެހިންނާއި އާއިލާތައް އެކުގައި ހިތްހަމަޖައްސާލައި ވަގުތު ހޭދަކުރުމުގެ ފުރުސަތު ފަހިކޮށްދިނުމަކީ ނުހަނު ބޭނުންތެރި ކަމެއްކަން ފާހަގަކުރައްވައި، ކޮންމެ އަތޮޅެއްގައިވެސް ޕިކްނިކް އައިލެންޑެއް ތަރައްޤީކުރުމުގެ މަސައްކަތް ބަޖެޓުގައި ހިމަނާފައިވާނެ ކަމަށް ވަޒީރު ވިދާޅުވިއެވެ.
މީގެއިތުރުން، ޤައުމުގެ އިޤްތިސާދު ސިންދަފާތު (ޑައިވާސިފައި) ކުރުމަށާއި، ދެމެހެއްޓެނިވި ޤައުމީ ތަރައްޤީއެއް ޙާޞިލުކުރުމަށްޓަކައި މޫސުމީ ބަދަލުތަކަށް ތައްޔާރުވުމަކީ ކޮންމެހެން މުހިންމު ކަމެއްކަމަށް ސަރުކާރުން ދެކެއެވެ. އެ ސަބަބަށްޓަކައި، ރަށްރަށުގެ ވެށި ހިމާޔަތްކޮށް، މޫސުމަށް އަންނަ ބަދަލުތަކުން އަރައިގަތުމަށް ރާވާފައިވާ "ކްލައިމެޓް އެޑެޕްޓޭޝަން މޮޑެލް އައިލެންޑް ޕްރޮޖެކްޓް" ފަދަ ޚާއްޞަ މަޝްރޫޢުތަކަށް މި ބަޖެޓުން ބޮޑު ޖާގައެއް ދީފައިވާނެ ކަމަށް މާލީ ވަޒީރުގެ ވާހަކަފުޅުގައި އަލިއަޅުއްވާލެއްވިއެވެ.
މި ފިޔަވަޅުތަކަކީ ރައްޔިތުންގެ ދިރިއުޅުމުގެ ފެންވަރު މަތިކޮށް، ދުޅަހެޔޮ މުޖުތަމަޢަކަށް މަގުފަހިކުރުމުގެ އިތުރުން، ކުރިމިގަޑުގައި ދިމާވެދާނެ ތިމާވެށީގެ ގޮންޖެހުންތަކުން ރާއްޖެ ސަލާމަތްކުރުމަށް އެޅޭ ވަރަށް މުހިންމު ބިންގަލެއް ކަމަށް ސަރުކާރުން ބަޔާންކުރެއެވެ.
