އެމްބިއުލާންސްގެ ޚިދުމަތް ދެމެހެއްޓެނިވި ގޮތުގައި ރާއްޖޭގެ ހުރިހާ ރަށަކަށް ފޯރުކޮށްދިނުމަށް ހިންގާ ޕްރޮގްރާމަގެ ދަށުން ރާއްޖެ ގެނައި، އެމްބިއުލާންސްތައް އެމްޕީއެލް އިން ރަށްތަކަށް ފޯރުކޮަށްދީފިއެވެ.

އެމްޕީއެލް އިން ނެރުނު ނޫސްބަޔާނެއްގައި ބުނީ އެކުންފުނިން 56 އެމްބިއުލާންސް ރަށްތަކަށް ފޯރުކޮށްފީފައިވާއިރު، އެއް އެމްބިއުލާންސް މޯލްޑިވްސް ކަރެކްޝަނަލް ސާރވިސްއާ ހަވާލުކޮށްފައިވާ ކަމަށެވެ.

އެމްބިއުލާންސް ރަށްތަކަށް ފޯރުކޮށްދިނުމުގެ މަސައްކަތް އެމްޕީއެލް އިން ފެށީ، ޖަނަވަރީ މަހު 17 ވަނަ ދުވަހުގައެވެ. އެމްޕީއެލް  އިން ބުނީ މިމަހު 14ގައި އެމްބިއުލާންސް ފޯރުކޮށްދިނުމުގެ މަސައްކަތް ނިމިފައިވާ ކަމަަށެވެ.

އެމްޕީއެލް އިން ބުނީ،އެމްބިއުލާންސް ދުއްވުމާއި، މަރާމާތުކޮޡް ބެލެހެއްޓުމާ ގުޅޭ ފަންނީ މައުލޫމާތު، އެކުންފުނީގެ މެކޭނިކަލް ޓީމުން ހޮސްޕިޓަލްތަލާއި ސިއްހީ މަރުކަޒުތަކުގެ މުވައްޒަފުންނަށް ފޯރުކޮށްދީފައިވާ ކަމަށެވެ. ހަމަމިއާއެކު، މިހާރު ބޭނުންކުރަމުންދާ އެމްބިއުލާންސްތަކަށް ދިމާވެފައިވާ މައްސަލަތައް ދެނެގަތުމަށް އެމްޕީއެލް އިން ވަނީ އެހީތެރިވެފައެވެ.

އެކުންފުނިން ބުނީ، ހެލްތު މިނިސްޓްރީއާއެކު، ސާރވިސް ކޮންޓްރެކްޓް ހަދައި، އެމްބިއުލާންސްތައް ސަރވިސްކުރުމާއި ބޭނުންވާ ސްޕެއަރ  ޕާޓްސް، ފޯރުކޮށްދިނުމަށްވެސް މަޝްވަރާކުރަމުންދާ ކަމަށެވެ.