ރާއްޖޭގައި ދަތިކަމެއް ނެތި ޑޮލަރު ލިބޭނެ ކަމަށާއި، ރައީސް މުއިއްޒު ރައްޔިތުންގެ ގާތު ވައުދުވެވަޑައިގެންނެވި ފަދައިން،އެކަން އެގޮތަށް ކުރިއަށްދާނެކަމުގެ ޔަގީން އިކޮނޮމިކް މިނިސްޓަރު މުަހައްމަދު ސައީދު ވިދާޅުވެއްޖެ އެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ، ރޯދަ މަހުމުދާ އިމްޕޯޓު ކުރާ ފަރާތްކުން ޓީޓީ ހިފައިގެން ދިއުމުން ހަފްތާއަކު 1.2 މިލިއަން ޑޮލަރާ ހަމައަށް 15.42 ގެ ރޭޓުން ޑޮލަރު ދޫކުރަމުން އަންނަ ކަމަށެވެ. މިނިސްޓަރު ވިދާޅުވީ، ރައީސް މުއިއްޒު ވިދާޅުވި ފަދައިން، އިންތިޒާމުތައް ބީއެމްއެލް އިން ވާނީ ހަމަޖައްސާދީފައިވާ ކަމަށެވެ.
މިނިސްޓަރު އިތުރަށް ވިދާޅުވީ، މިއަދާއި ހަމައަށް ވެސް ސަރުކާރުން ވައުދު ނުފުއްދާާ ނޯންނާނެކަމަށެވެ.
"މީގެ ކުރިން އަޅުގަނޑުމެންގެ ސަރުކާރު އައިއިރުގައި ޑޮލަރު ދޫކުރި އަދަދުތަކަށް ވުރެ ވެސް ގިނައިން މި ސަރުކާރުން ޑޮލަރު ދޫކޮށްފިއޭ. ހައްޖު އުމްރާއަށް ދަތުރުކުރާ ފަރާތްތަކަށް ވެސް މިހާރު ބޮޑުވާނެ ޑޮލަރު ދޫކުރާ އަދަދު. ދަރިވަރުންނަށް ވެސް އެއްވެސް ދަތިކަމެއް ނެތި ޑޮލަރު ލިބޭ މިހާރު."
މީގެކުރިން ރައީސް މުއިއްޒު ވިދާޅުވީ، ޑޮލަރު މާރުކުރުމުގެ ގަވާއިދު ތަންފީޒުކުރަންވާ ގޮތަށް ރަނގަޅަށް ތަންފޯޒުކުރެވޭނަމަ، މި އަހަރުގެ ފުރަތަމަ ކުއާޓަރުން ފެށިގެން ބޭރަށް ފުރާ ކޮންމެ ދިވެއްސަކަށް 1،000 ޑޮލަރު ދޫކުރެވޭނެ ކަން ޔަގީން ކަމަށެވެ.
