ގދ. ފަރެސްމާތޮޑާ ބަނދަރާއި ދޯނި އެހެލާ ސަރަހައްދު ތަރައްގީކުރުމުގެ މަޝްރޫއު މޯލްޑޮވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނޯ (އެމްޓީސީސީ)އާ ހަވާލުކޮށްފިއެވެ.

މި މަސައްކަތުގެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ކޮންސްޓްރަކްޝަން މިނިސްޓަރު ޑރ އަބްދުލް މުއްތަލިބެވެ. އެމްޓީސީސީގެ ފަރާތުން ސޮއިކުރެއްވީ، އެކުންފުނީގެ ޑެޕިއުޓީ މެނޭޖަރު މުހައްމަދު ޖަމްޝީދެވެ.

މި މަޝްރޫއުގެ ދަށުން އެމްޓީސީސީއާ ހަވާލުކުރި މަސައްކަތްތައް:

465،726 ކިއުބިކް މީޓަރުގެ ސަރަހެއް ފުންކުރުން
300 މީޓަރުގެ ސަރަަހައްދެއްގައި އެއްގަމުތޮށި ލުން
733 މީޓަރުގެ ސަރަހައްދުގައި ރިވެޓްމެންޓް ޖެހުން
133 މީޓަރުގެ ސަރަހައްދެއްގައި ޖިއޯޓިއުބް ރިވެޓްމެންޓް ޖެހުން
6 މީޓަރު ދިގު 36 މީޓަރު ފުޅާ ކޮންކްރީޓް ބްރިޖު ހެދުމުގެ މަސައްކަތް

މި މަޝްރޫއު އެމްޓީސީސީއާ ހަވާލުކޮށްފައިވަނީ، 780 ދުވަސްތެރޭ ނިންމާ ގޮތަށެވެ. މަޝްރޫއުގެ އަގަކީ 109.43 މިލިއަން ރުފިޔާއެވެ.

ގދ. ފަރެސްމާތޮޑާއަކީ ރާއްޖޭގައި މަސްވެރިކަމުގައި އެންމެ މަޝްހޫރު އެއްރަށެވ.ެ އަދ،ި މި ރަށަކީ ހުވަދު އަތޮޅުގެ އެއް
އެއާޕޯޓުވެސް އޮންނަ ރަށަށްވެސް ވުމާއެކ،ު އެކިކަންކަމުގައި ލަފަ އި ފުރައި ދޯނިތަކުގެ އަދަދު ގިނަ،ވެ ބަނދަރުގެ ޖާގައިގެދަތިކަން ރަށު ރައްޔިތުން ދަނީ ވަރަށް ބޮޑަށް ތަޙައްމަލު ކުރަމުންނެވެ.

އެމްޓީސީސީއިން ބުނީ މި މަޝްރޫގެ ސަބަބުން، ބަނދަރާއި ދޯނި އެހެލާ ސަރަހައްދު ތަރައްގީކުރުމުގެ މަޝްރޫއުގެ މަސައްކަތް ނިމުމާއެކު، އުޅަނދުތައް އަޅާފައި ބާއްވާނެ ޖާގަ ތަނަވަސް ބަނދަރެއް ރައްޔިތުންނަށް ލިބޭނެ ކަމަށެވެ. އަދި މުދާ ބަރުކުރުމާއި ލަފައި ފުރުމަށްވެސް ފަސޭހަތަކެއް ލިބިގެންދާނެ ކަމަށް އެމްޓީސީސީ އިން ބުނެއެވެ.