މިހާރު މެދުއިރުމަތީގައި ހިނގަމުންދާ ހަނގުރާމައިގައި، އިރާން، އެމެރިކާ އަދި އިޒްޜޭލްގެ ހަމަލަތާއް ވެސް ގޯސް ކަމަށާއި އިޒްރޭލަކީ ޓެރަރިސްޓް ގައުމެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
މިއަދު ނޫސްވެރިންނާ ބައްދަލުކުރައްވާ ރައީސް ވިދާޅުވީ، ރާއްޖެ އޮތީ އަރަބި އިސްލާމް ގައުމުތަކާއެކު ކަމަށެވެ. ރައީސް ވިދާޅުވީ ރާއްޖެ އޮތީ އެ ގައުމުތަކުގައި އަކާއެކީގައި ކަން ހާމަކުރުމަށް އެ ގައުމުތަކުގެ ވެރިންނަށް ފޯނު ކޯލު ކުރައްވަމުން ގެންދަވާ ކަމަށް ވެސް ރައީސް ވަނީ ވިދާޅުވެފައެވެ.
“އީރާނުންވެސް ހަމަލާ ދިނުން ގޯސް، ކުށްވެރިކުރަން. އިޒްރޭލުން ހަމަލާދިނުން ގޯސް. އިޒްރޭލަކީ ޓެރަރިސްޓް ގައުމެއް، ފަލަސްތީންއެދަނީ ސުންނާފަތި ކުރަމުން.”
ރައީސް ވިދާޅުވީ މި ހަނގުރާމައިގައި ރަނގަޅު އެއްވެސް ފަރާތެއް ނެތް ކަމަށެވެ. ނޫސްވެރިއަކު ޚާމާނާއީ އަވަހާރަވުމުން ތައުޒިޔާ ނުފޮނުއްވީ ކީއްވެތޯ ވަނީ ސުވާލު އުފައްދާފައެވެ.
“ އަރަބި އިސްލަމީ ގައުމުތަކާއެކު ސަރުކާރު މަސައްކަތް ކުރަމުން މިދަނީ . އަރަވީ އިސްލާމީ ގައުމުތައް އެއް ބްލޮކެއް، އެއް ޔުނިޓެއްގެ ގޮތުގައޖ. އެ ޔުނިޓުގައި އަޅުގަނޑުމެން ހިފަހައްޓާނަން. ތައުޒިޔާގެ މެސެޖް ނުފޮނުވާނެމެކޭ އެއް ނުދަންނަވަން.”
ރައީސް އިތުރަށް ވިދާޅުވީ މި ހަނގުރާމައަކީ ވަރަށް ބޮޑު ހިތާމައެއް ކަމަށާއި، މިއީ އެއްގޮތަކަށް ވެސް ހިނގައިގެން ވާނެ ހަނގުރާމައެއް ނޫން ކަމަށެވެ. ރައީސް ވިދާޅުވީ މި ހަނގުރާމައިގައި ކޮންމެ މީހަކު މަރުވިޔަސް، އެއީ ލިބޭ ވަރަށް ބޮޑު ހިތާމައެއް ކަމަށެވެ.
ރާއްޖެއަކީ ތެލާއި ޓޫރިޒަމް އަދި ކާބޯތަކެތި ހޯދުމަށް މެދުއިރުމައްޗަށް ބަރޯސާވާ ގައުމެއްކަން ފާހަގަކުރައްވާ ރައީސް ވިދާޅުވީ، ރާއްޖޭގެ މަސްލަހަތު ހިމާޔަތްކުރުމަށް މަސައްކަތް ކުރަމުންދާ ކަމަށެވެ.
