މެދުއިރުމަތީގައި މިހާރު ހިނގަމުންދާ ހަނގުރާމައާ ގުޅިގެން ރާއްޖެއިން އުމްރާގެ އަޅުކަމަށްދާ ފަރާތްތަކުން އަދި މިހާރު އަޅުކަމަށް ގޮސް ތިބި އުމްރާވެރިންވެސް ދަތުތުފަތުރުގެ ކަންކަމުގައި އިތުރަށް ސަމާލުވުމަށް އިސްލާމިކްް މިނިސްޓްރީއިން އިލްތިމާސްކޮށްފި އެވެ.

އެ މިނިސްޓްރީއިން ބުނީ،  ހާއްސަ ކަމެއް މެދުވެރިވެއްޖެނަމަ ސައުދީގައި ހުންނަ ރާއްޖެ އެމްބަސީގެ ހޮޓްލައިން ނަމްބަރު (966506894477+)، ސައުދީގެ ޖިއްދާގައި ގާއިމްކޮށްފައި ހުންނަ ރާއްޖޭގެ ކޮންސިއުލޭޓްގެ ހޮޓްލައިން (966530838329+) ނަމްބަރަށް ގުޅުމަށެވެ.

މިނިސްޓްރީއިން ބުނީ އުމްރާވެރިންނަށް ހާއްސަކޮށްގެން މައުލޫމާތު ފޯރުކޮށްދިނުމަށްޓަކައި ހާއްސަ ހޮޓްލައިން ނަމްބަރެއް ގާއިމުކުރުމަށް މަސައްކަތްކުރަމުންދާ ކަމަށެވެ. ހޮޓްލައިން ގާއިމުކުރެވުމުން، އެކަން އާންމުކުރާނެ ކަމަށް މިނިސްޓްރީއިން ވަނީ ބުނެފަ އެވެ.

އުމްރާވެރިން ދަތުރުތަކުގެ އެންމެ ފަހުގެ މައުލޫމާތު ހޯދުމަށާއި ރަސްމީ ފަރާތްތަކުންނާއި ސައުދީގެ ސަރުކާރުން ފޯރުކޮށްދޭ އިރުޝާދުތަކަށް ސަމާލުކަންދިނުމަށް މިނިސްޓްރީއިން ވަނީ ނަސޭހަތްތެރިވެފައެވެ. މިނިސްޓްރީއިން ބުނީ މައްކާގައި ތިމި އުމްރާވެރިންގެ ކަންކަން ވަރަށް ގާތުން ބަލަމުން އަންނަ ކަމަށެވެ.