ގިރާފަޅު ހިއްކުމުގެ މަޝްރޫއުގެ ދަށުން 97.15 ހެކްޓަރުގެ ތެރެއިން، 15 ހެކްޓަރު އެއްކޮށް ހިއްކާ ނިންްމާލައިފިއެވެ.

އެމްއޭސީއެލް އިން ވަނީ ، ގިރާފަޅު ހިއްކުމުގެ މަޝްރޫއުގެ ދަށުން 97.15 ހެކްޓަރުގެ ތެރެއިން، 15 ހެކްޓަރު އެއްކޮށް ހިއްކާ ނިންްމާލައިފައެވެ.

މިއީ، 15.44 އިންސައްތަ ކުރިއެރުމެކެވެ. މި މަސައްކަތް ކުރަމުންދަނީ ރާއްޖެ ގެނައި އެންމެ ބޮޑު ޑްރެޖަރ ތަކުގައި ހިމެނޭ އޮރަންޖީ" ޑްރެޖަރު ބޭނުންކޮށްގެންނެވެ. މިއީ އެއްފަހަރާ 22,000 ކިއުބިކް މީޓަރުގެ ވެލި ނެގޭ ޑްރެޖަރ އެކެވެ.

ރައީސް މީގެ ކުރިން ވިދާޅުވެފައިވަނީ  މާލެ ސަރަހައްދުގެ ބިން ހިއްކުމުގެ މަޝްރޫއުގެ ދަށުން އެންމެ އަވަހަށް ނިމޭނީ ގިރާވަރު ފަޅުގެ މަސައްކަތް ކަމަށެވެ.

މި މަސައްކަތް އެމްއޭސީއެލް އިން ފަށާފައިވަނީ މިއަހަރުގެ ޖެނުއަރީ މަހުގައެވެ.