ކައުންސިލް އިންތިޚާބަށް، ވޯޓު ފޮށިތަކަށް ރަޖިސްޓަރީވެފައިވާ ފަރާތްތަކުގެ އަދަދު ކަނޑައެޅިފައިވާ އަދަދަށް ވުރެ މަދުވުމުން، 33 ސަރަހައްދެއްގައި ވޯޓު ފޮށި ނުބެހެއްޓުމަށް ލެކްޝަންސް ކޮމިޝަންސް އިން ނިންމައިފިއެވެ.
އީސީ އިން ވަނީ ވޯޓު ފޮށި ނުބެހެއްޓުމަށް ކަނޑައެޅި ތަންތަން ގެޒެޓުގައި އާންމުކޮށްފައެވެ. އޭގެތެރޭގައި 29 ރިސޯޓް ހިމެނޭއިރު، ސިނާއީ މަސައްކަތްކުރާ 3 ސަރަހައްދެއްގެ އިތުރުން ސްރީލަންކާ އަދި މެލޭޝިއާގައި ބެހެއްޓުމަށް ހަމަޖެހިފައިވާ ވޯޓު ފޮށި ހިމެެނެއެވެ.
އީސީ އިން ވަނީ އެ ތަންތަނަށް ކުރިން ރަޖިސްޓްރީވެފައި ތިބި މީހުން، ފޮށި ބަހައްޓާ އެހެން ތަނަކަށް ރަޖިސްޓްރީ ވުމަށް އެދިފައެވެ.
އެގޮތުން، ރަޖިސްޓްރީވުމުގެ ސުންގަޑިއަކީ، މާދަމާ މެންދުރު ފަހު 1:30 އެވެ. އީސީ އިން ބުނީ މި މުއްދަތުގެ ތެރޭގައި ރަޖިސްޓަރީ ބަދަލު ނުކޮށްފި ނަމަ އެ މީހަކު ވޯޓު ލާން ޖެހޭނީ ރަށްވެހިވެފައިވާ ރަށަށް ކަމަށެވެ.
