ރޯދަ މަހަށް ބޭނުންވާ ކާބޯތަކެތީގެ ބާވަތްތައް ވީހާވެސް އަވަހަށް ބަނދަރުން ކްލިއާކޮށް، ބާޒާރަށް ނެރުމަށް މަގުފަހިކޮށްދިނުމަށްޓަކައި، މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ އޮޕަރޭޝަންސް ޓީމުތަކުން ރެޔާއި ދުވާލު ބުރަ މަސައްކަތްތަކެއް ކުރަމުންދާ ކަމަށް އެ ކުންފުނިން ބުނެފި އެވެ.
،ރޯދަ މަހާ ދިމާކޮށް ރާއްޖެއަށް އެތެރެކުރާ ކާބޯތަކެތީގެ މިންވަރު އިތުރުވެފައިވާއިރު، އެ ތަކެތި ވިޔަފާރިވެރިންނާ ހަމައަށް އަވަހަށް ފޯރުކޮށްދިނުމަށް ކުރަމުންދާ މަސައްކަތުގެ ތެރެއިން މިދިޔަ އާދީއްތަ ދުވަހުގެ ރޭގަނޑު "ނިއުމަތު 3″ އާއި "ބްލޫހާ" ނަމަކަށް ކިޔާ ދެ އުޅަނދުން ވަނީ ގިނަ އަދަދެއްގެ ކާބޯތަކެތި ބަނދަރަށް ބާލާފައިވާ ކަމަށް އެމްޕީއެލް އިން ބުންޏެވެ.
އެމްޕީއެލް އިން ބުނީ، ކާބޯތަކެތި ހިފައިގެން އައި "ނިއުމަތު 2″ ރޭގެ ވަގުތެއްގައި ބަނދަރަށް ކައިރިކުރިއިރު "ވައިޑޫރިއަމް" އަދި "އަކިލްޝާން" މިވަގުތު އެންކަރޭޖްގައި (ބޭރު ފަޅުގައި) މަޑުކޮށްގެން އޮތް ކަން އެމްޕީއެލް އިން ފާހަގަކުރެ އެވެ، ކާބޯތަކެތީގެ ބާވަތްތަކާއެކު ދަތުރުކުރާ "ވީބީ ޕްރޮގްރެސް" ވެސް ވިޔަފާރި ބަނދަރަށް ބަނދަރުކުރާނެ ކަމަށް ބެލެވޭ ކަމަށް އެ ކުންފުނިން ބުންޏެވެ.
