ހިއުމަން ރައިޓްސް ކައުންސިލްގެ މަތީ ފަންތީގެ ބައްދަލުވުމެއްގައި ފޮރިން މިނިސްޓަރު ޑރ. އަބްދުﷲ ހަލީލް ޖެނީވާއަށް ވަޑައިގެންފި އެވެ.
ޖެނީވާއަށް ވަޑައިގެންނެވުމަށް ފަހު އެކްސްގައި ކުރެއްވި ޕޯސްޓެއްގައި މިނިސްޓަރު ހަލީލް ވިދާޅުވީ އެމަނިކުފާނު ޖެނީވާއަށް ވަޑައިގެންނެވީ އދ ގެ ހިއުމަން ރައިޓްސް ކައުންސިލްގެ 61 ވަނަ ބައްދަލުވުމުގެ ހައި ލެވެލް ވީކްގައި ބައިވެރިވެވަޑައިގެންނެވުމަށް ކަމަށެވެ.
މި ސެޝަނަކީ ކާމިޔާބު ސެޝަނަކަށް ހެދުމަށް ދިވެހިރާއްޖެއިން ފުރިހަމައަށް މަސައްކަތްކުރާނެކަމަށްވެސް މިނިސްޓަރު ވަނީ ވިދާޅުވެފަ އެވެ. އަދި މި ސެޝަންގެ ހުރިހައި މަރުޙަލާއެއްގައިވެސް އަމަލީގޮތުން ބައިވެރިވެ، ބައިނަލްއަގްވާމީ ގުޅުންތަކުގެ ނިޒާމު އިތުރަށް ހަރުދަނާކުރުމަށް ދިވެހިރާއްޖެއިން ދެމިއޮންނާނެކަމަށް އެކްސްގައި ކުރެއްވި ޕޯސްޓެއްގައި މިނިސްޓަރު ވަނީ ވިދާޅުވެފަ އެވެ.
ދިވެހިރާއްޖެއަކީ 2023-2025 ހިއުމަން ރައިޓްސް ކައުންސިލްގެ މެންބަރަކަށްވާއިރު، މިއީ އެ ކައުންސިލްގެ މެންބަރުންކަން ރާއްޖެއިން އަދާކުރާ ތިންވަނަ ފަހަރެވެ. ހިއުމަން ރައިޓްސް ކައުންސިލަކީ އިންސާނީ ހައްގުތައް ހިމާޔަތްކުރުމަށް އެކި ގައުމުތައް ގުޅިގެން މަސައްކަތް ކުރުމަށް އުފައްދާފައިވާ އދ ގެ ގޮތްޕެކެވެ.
