ހުޅުމާލޭގައި ޕިކަޕެއް ދަށުވެގެން 60 އަހަރުގެ ދިވެހި ފިރިހެނަކު މަރުވެއްޖެ އެވެ.
ޕޮލިހުން ބުނި ގޮތުގައި، ހުޅުމާލެ ސަހަރާ ކައިރީގައި އޮތް ޕިކަޕެއްގެ ދަށުގައި މީހަކު މަސައްކަތް ކުރަން އޮއްވައި، އެ ޕިކަޕް އޭނާގެ ގައިމައްޗަށް ވެއްޓުނު ކަމުގެ ރިޕޯޓު ލިބިފައިވަނީ މިއަދު ހެނދުނު 11:05 އެހާކަންހާއިރު އެވެ. އަދި އެ މީހާ ނިޔާވެފައިވާ ކަމަށް ހުޅުމާލެ ހޮސްޕިޓަލުން ފުލުހުން މައުލޫމާތު ދީފައިވާ ކަަމަށްވެސް ފުލުހުން ބުންޏެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
