މޫސުމާ ބެހޭ ގައުމީ އިދާރާ މެޓުން އިން މިއަދު ބުނި ގޮތުގައި، ދުންފުހުގެ އަސަރު އެންމެ ބޮޑަށް ކޮށްފައިވަނީ ރާއްޖޭގެ އުތުރާއި މެދު ރާއްޖެތެރެއަށެވެ. އެ އިދާރާއިން ބުނި ގޮތުގައި، ކުރިއަށް އޮތް ފަސް ދުވަހު ވެސް، ދުންފުހުގެ އަސަރު ރާއްޖޭގައި ހުންނާނެ އެވެ. ދުންފުހުގެ އަސަރު ކުރަނީ އިރުއުތުރުން އަންނަ ވަޔާ އެކުކަމަށް ބުންޏެވެ.

މި ދުވަސްވަރަކީ ރާއްޖެއަށް އިރުވައި މޫސުމުގެ ދުވަސްވަރު ކަމަށްވެފައި، އަވަށްޓެރި ގައުމުތަކުން ބޭރުވާ ދުމާއި ހިރަފުސް އިރުއުތުރުން އަންނަ ވަޔާއެކު ރާއްޖެއާ ދިމާލަށް ދަތުރުކުރަމުންދާތީ، ކުރިއަށް އޮތް 5 ދުވަހުވެސް ރާއްޖޭގެ މަތީގައި ދުންފުހީގެ އަސަރު ހުންނާނެ ކަމަށް މެޓުން ލަފާކުރެ އެވެ.

މީގެއިތުރުން، ވައިގެ ފެންވަރު ދަށްވަމުންދާތީ، ހެލްތު ޕްރޮޓެކްޝަން އެޖެންސީ (އެޗްޕީއޭ) އިންވެސް ވަނީ އާންމުން ސަމާލުވުމަށް އިލްތިމާސްކޮށްފަ އެވެ. އެގޮތުން ވަކިން ހާއްސަކޮށް ބޭރުގައި ގިނަވަގުތު އުޅޭ ފަރާތްތަކާއި، ކުޑަކުދިންނާއި، އުމުރުން ދުވަސްވީ މީހުންގެ އިތުރުން ނޭވާލާ ނިޒާމުގެ ބަލިތައް ހުންނަ ފަރާތްތަކުން ރައްކާތެރިކަމުގެ ފިޔަވަޅުތައް އަޅައި މާސްކު އެޅުމަށްވެސް ވަނީ އިރުޝާދު ދީފަ އެވެ.