ސުނާމީ ބިނާ މަރާމާތު ކުރުމުގެ މަޝްރޫއު ފަށަން މޯލްޑިވްސް ޓްރާންސްޕޯޓް އެންޑް ކޮންތްރެކްޓިން ކޮމްޕެނީ (އެމްޓީސީސީ) އިން ތައްޔާރުވެއްޖެ އެވެ.
އެމްޓީސީސީން ބުނި ގޮތުގައި، ބޮޑުތަކުރުފާނު މަގު ތަރައްގީ ކުރުމުގެ މަޝްރޫއުގެ ދެވަނަ ފިޔަވަހީގެ ދަށުން، އެ މަގުގައި 85 މީޓަރުގެ ޝީޓް ޕައިލިން އެޅުމުގެ މަސައްކަތް މިހާރު ވަނީ އެއްކޮށް ނިންމާފަ އެވެ. އެއާއެކު، ބިން ހިއްކުމުގެ މަސައްކަތް ކުރިޔަށް ގެންގޮސް، ފެނާއި ވޭސްޓް ވޯޓާ ނެޓްވޯކް އަޕްގްރޭޑް ކުރުމުގެ މަސައްކަތް އަންނަ ހަފްތާގެ ނިޔަލަށް ނިމޭނެކަމަށް ބުންޏެވެ.
އެމްޓީސީސީން ބުނީ، ސުނާމީ ބިނާ މަރާމާތު ކުރުމުގެ މަޝްރޫއުގެ ދަށުން މިހާރު ކުރިއަށްދަނީ އާ ކުއޭ ވޯލްގެ ޝީޓް ޕައިލް އެޅުމުގެ ތައްޔާރީތައް ކަމަށެވެ. މި މަސައްކަތުގެ މަގްސަދަކީ ގޮނޑުދޮށް ހިމާޔަތް ކުރުމާއި ވޯޓާ ފްރަންޓް އިންފްރާސްޓްރަކްޗާ އަޕްގްރޭޑް ކުރުމާއި، އެ ސަރަހައްދުގެ ދިގު މުއްދަތުގެ ރެޒިލިއަންސް އަދި ސޭފްޓީ ރަނގަޅުކުރުމެވެ.
