ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން މިދިޔަ އަހަރު 89،163 ޓަނުގެ ކާގޯ އުފުލައިފި އެވެ.

ވީއައިއޭއިން އާންމުކުރި ތަފާސްހިސާބުތަކަށް ބަލާއިރު މިދިޔަ އަހަރު ވަނީ 89،163 ޓަނުގެ ކާގޯ އުފުލާފަ އެވެ. އެގޮތުން ރާއްޖެ އެތެރެކުރި 66،840 ޓަނުގެ ކާގޯއާއި ރާއްޖޭން ބޭރުކުރި 22،323 ޓަނުގެ ކާގޯ އުފުލި އެވެ.

މީގެއިތުރުން، ކާގޯ އުލުމަށް ވީއައިއޭއަށް 524 ދަތުރުވެސް ވަނީ ކޮށްފަ އެވެ. އަދި 4،300 ޓަނުގެ ފްރައިޓާ ތްރޫޕުޓް ޑެލިވަރީ ވެސް ވަނީ ކޮށްފަ އެވެ. ކާގޯ އުފުލުމުގައި  ހަރަކާތްތެރިވީ ގަތަރު ކާގޯ، ނޭޝަނަލް އެއާލައިންސް، އެމްއެންޖީ އެއާލައިންސް، އެއާމާސްޓާ، ފްލައިވާޔޫ، އެފްކޮމް އަދި އެމްޖެޓްސް ފަދަ އެއާލައިން ތަކުންނެވެ.

މީގެތެރޭގައި ހިމެނެނީ ސީ-ޓު-އެއާ މެދުވެރިކޮށް ހޭންޑަލްކުރި 3،192 ޓަނުގެ ކާގޯއެވެ. އަދި، އެއާ-ޓު-އެއާ ހޭންޑަލްކުރި 13،180 ޓަނުގެ ކާގޯ އެވެ.