މި އަހަރުގެ މިހާތަނަށް ރާއްޖެއަށް 135،000 އަށް ވުރެ ގިނަ ޓުއަރިސްޓުން އައިސްފިކަމަށް ޓުއަރިޒަމް މިނިސްޓްރީގެ ތަފާސްހިސާބުތަކުން ދައްކައިފި އެވެ.
މިނިސްޓްރީގެ ތަފާސް ހިސާބުތަކަށް ބަލާއިރު، 19 ޖެނުއަރީ 2026 ގެ ނިޔަލަށް ރާއްޖެއަށް ވަނީ 135.6،000 ޓުއަރިސްޓުން އައިސްފަ އެވެ. އެގޮތުން އެންމެ ގިނަ ޓުއަރިސްޓުން ރާއްޖެ އައިސްފަވަނީ، މި މަހުގެ 13 ވަނަ ދުވަހު އެވެ. އެއީ، 21،486 ޓުއަރިސްޓުންނެވެ. މީގެއިތުރުން، އެންމެ މަދު ޓުއަރިސްޓުން އައިސްފަ ވަނީ، މި މަހުގެ 3 ވަނަ ދުވަހުގަ އެވެ. އެއީ 4،227 ޓުއަރިސްޓުންނެވެ.
މިނިސްޓްރީން ބުނެފައިވާގޮތުގައި އަހަރުގެ މިހާތަނަށް އެންމެ ގިނަ ފަތުރުވެރިން ޒިޔާރާތްކުރީ ރަޝިއާއިން ނެވެ. ލިސްޓުގެ ދެވަނައިގަ އިޓަލީ އޮތްއިރު އިނގިރޭސިވިލާތް އޮތީ ތިން ވަނައިގަ އެވެ. އެގޮތުން ރާއްޖެއަށް އެންމެ ގިނަ ފަތުރުވެރިން ޒިޔާރާތްކުރި 6 ގައުމަކީ:
- ރަޝިޔާ: 20،529 ފަތުރުވެރިން
- އިޓަލީ: 15،273 ފަތުރުވެރިން
- އިނގިރޭސިވިލާތް: 11،792 ފަތުރުވެރިން
- ޗައިނާ: 9،366 ފަތުރުވެރިން
- ޖަރުމަނުވިލާތް: 8،287 ފަތުރުވެރިން
- އިންޑިއާ: 4،869 ފަތުރުވެރިން
