ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) ގެ މެނޭޖިން ޑިރެކްޓަރުގެ މަގާމާއި، އެ ކުންފުނީގެ ބޯޑު މެންބަރުކަމުން އަހުމަދު ޝަމާހް ރަޝީދު ވަކިކޮށްފި އެވެ.
ޕްރައިވެޓައިޒޭޝަން އެންޑް ކޯޕަރޭޓައިޒޭޝަން ބޯޑު (ޕީސީބީ) އިން ހާމަކުރި ގޮތުގައި، ޝަމާހު އެ މަގާމުތަކުން ވަކިކޮށްފައިވަނީ މިއަދުން ފެށިގެންނެވެ.
ސްޓެލްކޯގެ މެނޭޖިން ޑިރެކްޓަރުގެ މަގާމުގައި ކުރިން ހުންނެވި ހުސައިން ފަހުމީ ވަކިކުރެއްވުމަށްފަހު، ކުރިން މިފްކޯގެ ސީއީއޯކަން ކުރެއްވި ޝަމާހް އެ މަގާމަށް އައްޔަނުކުރެއްވީ މިދިޔަ ސެޕްޓެންބަރު މަހުގެ 7 ވަނަ ދުވަހު އެވެ.
ސްޓްލްކޯގެ އެމްޑީ ކަމާ ހަވާލުވުމުގެ ކުރިން ކުރިން އޭނާ ވަނީ މިފްކޯގެ ސީއީއޯކަން ވެސް ކުރައްވާފަ އެވެ. ދެ ފަހަރެއްގެ މަތިން ސަސްޕްންޑުކުރުމަށްފަހު އޭނާ އެ މަގާމުން ވަކިކުރީ މެއި 21، 2024ގަ އެވެ.
