ވެރިކަންކުރާ ޕީޕަލްސް ނޭޝަނަލް ކޮންގްރެސް (ޕީއެންސީ)އަށް 74،000 މެންބަރުން ހަމަވެއްޖެ އެވެ. އެިއާއެކު އެ ޕާޓީ ވަނީ މިހާރު ރާއްޖެގައި އޮތް އެންމެ ބޮޑު ޕާޓީ އަށް ވެފަ އެވެ.

އިލެކްޝަންސް ކޮމިޝަނުގެ ތަފާސްހިސާބުތަކަށް ބަލާއިރު، މިދިޔަ ޑިސެމްބަރު 31 އާ ހަމައަށް އެއްކޮށްފައިވާ ހިސާބުތަކުގައިވާ ގޮތުން ޕީއެންސީގައި މިހާރު 74،048 މެންބަރުން އެބަތިއްބެވެ. މީ މި ވަގުތު އެންމެ ގިނަ މެންބަރުން ތިބި ޕާޓީ އެވެ. ޕީއެންސީގައި 74،048 މެންބަރުން ތިބި އިރު ދެވަނައަށް އެންމެ ގިނަ މެންބަރުން ތިބީ  އެމްޑީޕީގައި އެވެ. އެއީ، 43،784 މެންބަރުންނެވެ.

އެހެން ޕާޓީތަކަށް ބަލާއިރު، ޖުމްހޫރީ ޕާޓީގައި 12,343 މެންބަރުން އަދި އަދާލަތު ޕާޓީގައި 8,267 މެންބަރުން ތިބިއިރު، އެންމެ މެންބަރުން މަދީ މޯލްޑިވްސް ލޭބަރ އެންޑް ސޯޝަލް ޑިމޮކްރަޓިކް ޕާޓީގަ އެވެ. އެއީ 1،710 މެމްބަރުންނެވެ.

ރައިސް ޑރ މުހައްމަދު މުއިއްޒު ކޮންގްރެސް ޕާޓީއާއި ހަވާލުވެވަޑައިގެންނެވި އެ ޕާޓީގައި ތިބީ ހަމައެކަނި 3،000 މެންބަރުންނެވެ. ނަމަވެސް ގާތްގަނޑަކަށް ދެ އަހަރުތެރޭ މެންބަރުންގެ އަދަދު މި ވަނީ 74،000 އަށް އަރާފަ އެވެ.