ސަރުކާރުގެ 'ހިޔާވަހި ފައިނޭންސް ސްކީމް’ގެ ދަށުން 909 މިލިއަން ރުފިޔާގެ ލޯނު އެޕްރޫވް ކޮށްފި އެވެ
ހައުސިން މިނިސްޓްރީން މިއަދު ކުރި ޕޯސްޓެއްގައި ބުނެފައިވަނީ އަމިއްލަ ގޯތީގައި ގެދޮރު ބިނާކުރުމަށް ދެވޭ ޕްރޮފިޓް ރޭޓު ކުޑަ އަދި އިކުއިޓީ ކުޑަ ލޯނަށް މިހާތަނަށް 909 މިލިއަން ރުފިޔާގެ ލޯނު އެޕްރޫވް ކޮށްފައިވާ ކަމަށެވެ. އެއީ އެޕްރޫވްކުރި 768 އެޕްލިކޭޝަނަށެވެ.
- ފަހިމާލެ:15 އެޕްލިކޭޝަން
- ސަހަރު:410 އެޕްލިކޭޝަން
- ރަށްވެހި:343 އެޕްލިކޭޝަން
3 ކެޓަގަރީއަކަށް ބަހާލައިގެން ކުރިއަށްގެންދާ މި ސްކީމްގެ ދަށުން މިލިއަނަކާ ހަމައަށް ލޯނު ދޫކުރާ ރާއްޖޭގެ ހުރިހާ ރަށްތަކަށް ހާއްސަ ކެޓަގަރީއަކާއި، ތިން މިލިއަނާ ހަމައަށް ލޯނު ދޫކުރާ އާބަން ސެންޓަރުތަކަށް ހާއްސަ ކެޓަގަރީއެއްގެ އިތުރުން، ހަ މިލިއަނާ ހަމައަށް ލޯނު ދޫކުރާ މާލެ ސަރަހައްދަށް ހާއްސަ ކެޓަގަރީން ފައިސާ ލިބޭނެ އެވެ.
ހިޔާވަހި ފައިނޭންސިން ސްކީމަކީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅުގެ އެއްގޮތަްވާގޮތުގެ މަތިން ރައްޔިތުންނަށް އަތްފޯރާފަށުގައި ބޯހިޔާވަހިކަން ތަރައްގީ ކުރުމަށްޓަކައި އުފަށްދާފައިވާ ސްކީމެކެވެ. މި ސްކީމްގެ ދަށުން 5 އިންސައްތަ އިންޓަރެސްޓާއެކު 25 އަހަރުން އަބުރާ ދެއްކޭގޮތަށް ލުއި ލޯނުތަކެއް ދޫކުރުމަށް ސަރުކާރުން ވަނީ ކަނޑައަޅާފައެވެ.
