ދައުލަތުގެ ބެލުމުގެ ދަށުގައި ތިބި 110 ކުއްޖަކު އާއިލާތަކާ ހަވާލުކޮށްފައިވާ ކަމަށް ސޯޝަލް އެންޑް ފެމިލީ ޑިވެލޮޕްމެންޓް މިނިސްޓަރު ޑރ. އާއިޝަތު ޝިހާމް ވިދާޅުވެއްޖެ އެވެ.
މިނިސްޓަރު މިފަދައިން ވިދާޅުވީ މިނިސްޓްރީގެ މަސައްކަތްތަކާ ގުޅޭގޮތުން މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގަ އެވެ.
މިނިސްތަރު ވިދާޅުވީ އަމިއްލަ އަށް އެދިގެން ދައުލަތުގެ ބެލުމުގެ ދަށުގައި ތިބި ކުދިން ކުދިން ފޮސްޓާ ކުރަން ބޭނުންވާ އާއިލާތައް ދުވަހަކުން ދުވަހެއް އިތުރުވަމުންދާކަމަށެވެ. އަދި އެގޮތަށް ކުދިން ބަލާ އާއިލާތަކުން ވަރަށް ރަނގަޅަށް އެ ކުދިން ބަލަމުންދާ ކަމަށެވެ.
"އެހެންވީމާ އެއީ މިނިސްޓްރީން ގަބޫލުކުރާ ގޮތުގައި މިނިސްޓްރީއަށް ލިބޭ ވަރަށް ބޮޑު އުފަލެއް. އެއީ އަޅުގަނޑުމެންނަށް ގަބޫލުކުރެވެނީ އެއްވެސް ކުއްޖެއް އާއިލާއެއްގެ ތެރޭގައި ބޮޑުނުވާ ކަމަށް ވާނަމަ، އާއިލާއެއްގެ ތެރެއިން އެ ކުއްޖާއަށް ދަސްވާންޖެހޭ ވަރަށް މުހިއްމު ދިރިއުޅުމުގެ ހުނަރުތަކެއް، އެކި މީހުންނާއެކު އުޅޭނެ ގޮތާއި ރީތިކޮށް ވާހަކަދެއްކުމާއި އޯގާތެރިކަމާއި އެ ހުނަރުތައް މަދުވެގެންދޭ" ފޮސްޓާ ކުރުމުގެ މުހިއްމުކަމުގެ މައްޗަށް އަލިއަޅުވާލައްވަމުން މިނިސްޓަރު ވިދާޅުވި އެވެ.
މިނިސްޓަރު ވިދާޅުވީ ސަރުކާރުގެ "ކޮންމެ ކުއްޖަކަށް އާއިލާއެއް" މަޝްރޫއުގެ ދަށުން 2023 ގެ ނޮވެންބަރުން މިހާތަނަށް 110 ކުއްޖަކު، އެ ކުދިންގެ އާއިލާތަކާއި ނުވަތަ އާ އާއިލާތަކާއި ހަވާލުކޮށްފައިވާ ކަމަށެވެ. އޭނާ ދިވެހި އާއިލާތަކަށް އިލްތިމާސްކުރެއްވީ އެ ޕްރޮގްރާމުގައި ބައިވެރިވުމަށެވެ.
މީގެއިތުރުން ހިޔާތަކުގައި ދިރިއުޅޭ ކުދިންނަށް އަމިއްލަ ފައިމައްޗަށް ތެދުވެވޭނެ ގޮތް މަގުފަހިކޮށްދިނުމުގެ ގޮތުން އެކުދިންނަނަށް އިންޓާންޝިޕް ފުރުސަތުތައް ދީ، ތަމްރީންތައް ދެމުންދާކަން މިނިސްޓަރު ފާހަގަކުރެއްވި އެވެ. އެގޮތުން މިއަހަރު މިނިސްޓްރީން ވަނީ 23 ކުދިންނަށް އިންޓާންޝިޕް ޕްރޮގްރާމް ހިންގާގައި 40 އެއްހާ ކުދިންނަށް ލައިފް ސްކިލްސް ތަމްރީންތައް ދީފައެވެ،
މިއަހަރުގެ ސެޕްޓެމްބަރު 390 ގެ ނިޔަލަށް ދައުލަތުގެ ބެލުމުގެ ދަށުގައި ތިބީ 156 ކުދިންނެވެ.
