އެ ބައްދަލުވުމުގައި ރައީސް ވިދާޅުވީ، އެފްޑީސީގެ ފްލެޓްތަކުގެ ތެރެއިން 3 ކޮޓަރީގެ ފްލެޓްތަކަށް 25،000 ރުފިޔާގެ ޑައުންޕޭމެންޓެއް އަދި 2 ކޮޓަރީގެ ފްލެޓްތަކަށް 15،000 ރުފިޔާގެ ޑައުންޕޭމަންޓެއް ދައްކަން އޮތް އޮތުމަށް ލުއިތަކެއް ގެނެސްދޭން ނިންމަވާފައިވާ ކަމަށެވެ. އެގޮތުން 3 ކޮޓަރި ލިބިފައިވާ ފަރާތްތަކަށް މަހުން މަހަށް ދައްކަން ޖެހޭ ވަރާއި މެއިންޓެނެންސާއެއްކޮށް އޮތް ޖުމްލަ އަގު 10،500 ރުފިޔާއިން 10،000 ރުފިޔާއަށް ކުޑަކުރެވޭނެ ކަމަށާއި، އެޑްވާންސް 25،000 ރުފިޔާ 8،000 ރުފިޔާއަށް ކުޑަކުރެވިގެންދާނެ ކަމަށް ރައީސް ވިދާޅުވި އެވެ.

ރައީސް މިފަދައިން ނިންމެވުމުން އެފްޑީސީއިން މިހާރުވަނީ، ގެދޮރުވެރިޔާ ފްލެޓްތަކުން ކުޑަކުރި ކުއްޔާއި ޑިޕޮސިޓް އާންމުކޮށްފަ އެވެ. އެގޮތުން މި ބަދަލާއެކު މިހާރު ދައްކަންޖެހޭނީ، 3 ކޮޓަރި ފްލެޓްތަކަށް މެއިންޓެނެންސް ފީއާ އެކު ޖުމުލަ މަހު ކުއްޔަށް 10،000ރުފިޔާ، 3 ކޮޓަރީގެ ފްލެޓްގެ ޑައުންޕޭމަންޓަށް 8،500 ރުފިޔާ، 2 ކޮޓަރީގެ ފްލެޓްތަކަށް މެއިންޓެނެންސް ފީއާ އެކު ޖުމުލަ މަހު ކުއްޔަށް 7000 ރުފިޔާ އަދި، 2 ކޮޓަރީގެ ފްލެޓްގެ ޑައުންޕޭމަންޓަށް 6،000 ރުފިޔާ އެވެ.

އެފްޑީސީން ބުނީ މި ގެނެވުނު ބަދަލުގެ ކުރިން ޑައުން ޕޭމަންޓަށް ފައިސާ ދައްކާފައިވާ ފަރާތްތަކުން މި ބަދަލަށް ވާ އަދަދަށް ވުރެ އިތުރުވާ ބައި ކުރިއަށް އޮތް މަސްތަކުގެ ކުލީގެ ގޮތުގައި ކަނޑައަޅައި އުނިކުރާނެ ކަމަށެވެ.