ޖުވާ ކުޅުމާއި ޖުވާ ކުޅޭ ތަނެއް ހިންގުމަކީ ޖިނާއީ ކުށެއްގެ ގޮތުގައި ކަނޑައެޅުމަށް ރާއްޖޭގެ ގާނޫނުލް އުގޫބާތަށް އިސްލާހު ގެނައުމުގެ ބިލެއް މިއަދު ރައްޔިތުންގެ މަޖިލީހަށް ހުށަހަޅައިފި އެވެ.
މިކަން ހާމަކޮށްފައިވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު 'އެކްސް' ގައި ކުރެއްވި ޕޯސްޓެއްގަ އެވެ. އެކަމަކު އިތުރު ތަފްސީލެއް ހާމަކުރައްވާފައެއް ނުވެ އެވެ.
ރާއްޖޭގައި ޖުވާކުޅުމާއި ޖުވާ ކުޅޭ ތަންތަން ރާއްޖޭގައި ހިންގާ މައްސަލައަކީ އާއްމު ކަމެކެވެ. ޚާއްސަކޮށް އޮންލައިން ގޭމްތައް ބޭނުންކޮށްގެން ޖުޥާ ކުޅޭ މައްސަލަ ވަނީ ވަރަށް ބޮޑުވެފަ އެވެ.
