މޯލްޑިވްސް ޓްރާންސްޕޯޓް ކޮމްޕެނީ ލިމިޓެޑް (އެމްޓީސީސީ) އިން "ކަށަވަރު ޕްރޮމޯ 2025″ ފަށައިފި އެވެ.

ކަށަވަރު ޝޯރޫމްގައި މިއަދު ބޭއްވި ހާއްސަ ހަފުލާއެއްގައި، މި ޕްރޮމޯ ފައްޓަވައިދެއްވީ އެ ކުންފުނީގެ ސީއީއޯ ސިނާން އަލީ އެވެ. މި ޕްރޮމޯޝަން ކުރިއަށްދާނީ މިއަދުން ފެށިގެން 31 ޑިސެމްބަރު 2025ގެ ނިޔަލަށް ކަމަށް އެ ކުންފުނިން ބުންޏެވެ.

މި ޕްރޮމޯޝަންގެ ދަށުން ޑިސްކައުންޓް ލިބޭ ޕްރޮޑަކްޓްތަކުގެ ތެރޭގައި ސުޒުކީ އަދި ޔަންމާ އިންޖީނުތަކާއި، ޕީޕީޖީ، ކާސްޓްރޯލް، އިންޑަސްޓްރިއަލް ގޭސް، ސްޕެއާ ޕާޓްސް، މެރޯލް ސްޓީއަރިން ސިސްޓަމް އަދި ނަކަޝީމާ ޕްރޮޕެލާ ހިމެނެ އެވެ.

މި ޕްރޮމޯގެ މުއްދަތުގައި ކޮންމެ ހަފުތާއަކު ގުރުއަތުން ހޮވޭ ފަރާތަކަށް ޚާއްސަ އިނާމެއްގެ ގޮތުގައި ސުޒުކީ ޑީއެފް 9.9 ގެ އިންޖީނަކާއި ހަދިޔާ ޕެކޭޖެއް ލިބިގެންދާނެ އެވެ. "ކަށަވަރު ޕްރޮމޯ 2025″ އަމާޒުކޮށްފައިވަނީ އޮޑިވެރިންނާއި، މަސްވެރިންނާއި، އިންޖިނިއަރުންނާއި، ފަތުރުވެރިކަމާއި ޓްރާންސްޕޯޓް ދާއިރާގައި މަސައްކަތް ކުރައްވާ ފަރާތްތަކަށެވެ.

މި ޕްރޮމޯޝަންގެ މުއްދަތުގައި ރޭވިފައިވާ އިތުރު ހަރަކާތްތަކުގެ ތެރޭގައ،ި ގއ. ގދ. އަދި ށ. އަތޮޅަށް ޒިޔާރަތް ކުރުމާއި ކ. އަތޮޅުގެ ބަނދަރުތަކާއި ބޯޓްޔާޑް ތަކުގައި ޕްރޮމޯޝަނަލްއިވެންޓްތައް ބޭއްވުމަށް ވެސް ވަނީ ހަމަޖެހިފަ އެވެ.