ފުލުހުން ބުނިގޮތުގައި ހުޅުމާލޭ ފޭސް 1 ގެ ގެސްޓްހައުސްއެއްގެ ކޮޓަރިއެއްގައި މަރުވެފައި އޮއްވާ ފެނުނީ ފިރިހެނެކެވެ.
މަރުވެފައި އޮއްވާ ފެނުނީ، ދިވެއްސެއް ކަމެއް ނުވަތަ ބިދޭސީއެއް ކަމެއް ފުލުހުން ހާމަކޮށްފައެއް ނުވެ އެވެ. އެމީހާ މަރުވެފައި އޮއްވާ ފެނިގެން ރިޕޯޓު ކުރީ މިއަދު 12:14 ހާއިރު ކަމަށާއި، މިކަމާ ގުޅިގެން ބަލަން ޖެހޭ ކަންކަން މިހާރު ބަލަމުންދާ ކަމަށް ފުލުހުން ބުނެފައިވެ އެވެ.
އިތުރު ތަފްސީލު ލިބެމުންދާ ވަރަކަށް ހާމަކުރަމުންދާނެ ކަމަށް ވެސް ފުލުހުން ވަނީ ބުނެފަ އެވެ.
