ޔޫތު ބޯޑުން އިންތިޒާމްކޮށްގެން މި ހަފްތާގައ ިބާއްވާ ސަޅި ފެސްޓަކީ، ގިނަ ހަރަކާތްތަކެއްގެ ފެށުން ކަމަށް ޔޫތު ބޯޑުގެ މެމްބަރު، މުހައްމަދު ރައްޔާން މާހިރު ވިދާޅުވެއްޖެ އެވެ.
އޭނާ ވިދާޅުވި ގޮތުގައި މި ފެސްޓުގެ މަގްސަދަކީ، ޒުވާނުންނަށް ވީހާވެސްގިނަ ފުރުސަތު ހޯދައިދިނުމެވެ. އަދި މިކަހަލަ ހަރަކާތްތަށް މެދުވެރިކޮށް މުޖުތަމައުގަ އެންމެން ބަދަހިކޮށް ފަހި މާހައުލެއް އުފެއްދުން ކަމަށްވެސް އޭނާ ބުންޏެވެ.
މި ފެސްޓިވަލް އޮންނާނީ ނޮވެމްބަރު މަހުގެ 27-29 އަށް ލިލީ މަގޫގެ ޔޫތު ހަބްގަ އެވެ.
މި ފެސްޓިވަލްގައި ވިޔަފާރި އާއި ކާބޯތަކެތީގެ ސްޓޯލްތަކާއި ވޯކްޝޮޕްތަކާއި ލައިވް ޝޯތަކާއި ހިލޭ ކަރައޯކޭ ރޫމާއި ގޭމް ޒޯން ވެސް ކުރިއަށް ގެންދެ އެވެ. ތިން ދުވަހުގެ ތެރޭގައި ވެސް އިވެންޓްތައް ކުރިއަށް ގެންދާއިރު، ޒުވާނުން ޝާމިލްކޮށް ބާރުވެރި ކުރުމަށް ފަރުމާކޮށްފައިވާ ހަރަކާތްތައް ސަރުކާރުން ދަނީ ހިންގަމުން ނެވެ.
