ކޮމަންޑޫގެ ބިންހިއްކުމާއި އެއާޕޯޓް ތަރައްގީކުރުމުގެ މަޝްރޫއު ފަށައިފި އެވެ.
ރައީސް ޑރ. މުހައްމަދު މުއިއްޒު ށ. އަތޮޅަށް ކުރައްވަމުންގެންދަވާ ދަތުރުފުޅުގެ ތެރެއިން މި މަޝްރޫއުގެ އެއްބަސްވުމުގައި ސޮއިކުރެއްވީ، ފިނޭންސް މިނިސްޓަރު މޫސާ ޒަމީރާއި އެމްއޭސީއެލްގެ އެމްޑީ އިބްރާހީމް ޝަރީފް މުހައްމަދެވެ.
އެެއްބަސްވުމުގައި ސޮއި ކުރުމާއެކު އެއާޕޯޓުގެ އަމަލީ މަސަތްކަތްވެސް ވަނީ ފަށާފަ އެވެ. އަމަލީ މަސައްކަތް ފައްޓަވާދެއްވީ ފިނޭންސް މިނިސްޓަރު މޫސާ ޒަމީރެވެ.
މި މަޝްރޫއުގެ ދަށުން ކޮމަންޑޫގައި އެއަރޕޯޓަށް ބޭނުންވާ ބިން ހިއްކުމާއި، ރަންވޭ އެޅުމާއި، ޓާމިނަލް އިމާރާތް ކުރުމުގެ މަސައްކަތްތައް ކުރިއަށްދާނެ އެވެ. އަދި އެއަރޕޯޓް ހިންގުމުގެ އެންމެހައި މަސައްކަތްތައްވެސް ކުރިއަށްގެންދާނީ އެމްއޭސީއެލުންނެވެ.
