ށ. ފޭދޫގެ މަގުތައް ޒަމާނީ ފެންވަރަށް ތަރައްގީ ކުރުމުގެ މަޝްރޫއުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އާ ހަވާލުކޮށްފި އެވެ.

މި މަޝްރޫއުގެ އަމަލީ މަސައްކަތް ފަށާފައިވަނީ ރައީސުލްޖުމްހުރިއްޔާ ޑރ. މުހައްމަދު މުއިއްޒު މިހާރު ށ. އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިންނެވެ. މި މަޝްރޫއުގެ އެއްބަސްވުމުގައި ސޮއިކުރެއްވީ، ހައުސިން މިނިސްޓަރު ޑރ. އަބްދުﷲ މުއްތަލިބާއި އެމްޓީސީސީގެ މެނޭޖިން ޑިރެކްޓަރު އަހުމަދު ސައުދީ އެވެ.

މި މަޝްރޫއުގެ ދަށުން، ޖުމްލަ 4.89 ކިލޯމީޓަރުގެ މަގު ތަރައްޤީ ކުރާނެ އެވެ. އެގޮތުން، އެ ރަށުގެ ސޯސަން މަގު 2252.8 މީޓަރަށ،ް ކާރނޭޝަން މަގު 798.64 މީޓަރަށ،ް އާރޯ މަގު 535.94 މީޓަރަށ،ް މަރުކަޒީ ހިނގުން 828.95 މީޓަރަށް އަދި، ފިނިވާ މަގު 472.30 މީޓަރަށް ތަރައްގީ ކުރާނެ އެވެ.

މީގެ އިތުރުނ،ް ފެންހިންދާ ނިޒާމެއް ގާއިމުކުރުމާއ،ި ސާވިސް ލައިން އެޅުމާއ،ި ގުދުރަތީ ގޮތުން ފެންގަނޑު ހިނދޭ ނިޒާމެއް ހަރުކުރުމާއ،ި ޕޭވްމަންޓެއް ހެދުމާއ،ި ދުއްވާ ސަރަޙައްދެއް ގާއިމު ކުރުން އަދި، މަގު ބައްތި ހަރުކުރުމުގެ މަސައްކަތްވެސް ކުރާނެ އެވެ.

މި މަޝްރޫއަކީ 116.97 މިލިއަން ރުފިޔާއަށް 570 ދުވަސްތެރޭ ނިންމަން އެމްޓީސީސީއާ ހަވާލުކޮށްފައިވާ މަޝްރޫއެކެވެ.