ސްޓޭޓް އިލެކްޓްރިކް ކޮމްޕެނީ (ސްޓެލްކޯ)ގެ ޑިރެކްޓަރުންގެ ބޯޑަށް އެ ކުންފުނީގެ ޑެޕިއުޓީ މެނޭޖިން ޑިރެކްޓަރު އާއިޝަތު މުޒްނާ އައްޔަންކޮށްފިއެވެ.
ޑިރެކްޓަރުންގެ ބޯޑަށް މުޒްނާ އައްޔަންކޮށްފައިވަނީ، އެބޯޑުން މުހައްމަދު އާމިރު ވަކިކުރުމަށްފަހު އެވެ.
ސްޓެލްކޯގެ ޑެޕިއުޓީ މެނޭޖިން ޑިރެކްޓަރުކަމަށް މުޒްނާ އައްޔަންކުރީ 28 ނެވެމްބަރު 2023 ގައެވެ.
ސްޓެލްކޯގެ ބޯޑަށް ބަދަލު ގެނެސްފައިވަނީ ކީއްވެކަމެއް ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) އިން ހާމަކޮށްފައެއް ނުވެއެވެ.
ސްޓެކްލޯގެ ބޯޑަށް ބަދަލު ގެެނެސްފައިވާއިރު، މިފަހުން ވަނީ އެކުންފުނީގެ މެނޭޖްމަންޓަށްވެސް ބޮޑު ބަދަލެއް ގެނެސްފައެވެ. އެގޮތުން ކުންފުނީގެ މެނޭޖިން ޑިރެކްޓަރުކަމުން ހުސައިން ފަހުމީ ވަކިކޮށް، އެ މަގާމަށް އަހުމަދު ޝަމާހު ރަޝީދު ވަނީ އައްޔަންކޮށްފައެވެ.
