ޕީޕަލްސް ނޭޝަނަލް ކޮންގްރެސް ޕާޓީ (ޕީއެންސީ) ގެ ހެންވޭރު އުތުރު ދާއިރާގެ ކެމްޕޭން ޖަގަހަ ހުޅުވައިފިއެވެ.
މި ޖަގަހަ ރަސްމީކޮށް ހުޅުވައިދެއްވީ،ފަސްޓް ލޭޑީ ސާޖިދާ މުޙައްމަދު އެވެ. މެޑަމް ސާޖިދާގެ އިތުރުން، ލޯކަލް ގަވަރނެންސް މިނިސްޓަރު އާދަމް ޝަރީފު އުމަރު ،އަދި ޕާޓީގެ ލީޑަރޝިޕްގެ ބޭފުޅުން ޖަގަހަ ހުޅުވުމުގެ ރަސްމިއްޔާތުގައި ބައިވެރިވެވަޑައިގެންނެވިއެވެ.
މި ރަސްމިއްޔާތުގައި ވަޒީރު އާދަމްޝަރީފް ވަނީ ޖަލްސާގައި ރައްޔިތުންނާ މުޚާތބުކުރައްވާފައެވެ. އާދަމް ޝަރީފް ވިދާޅުވީ، ދެ އިންތިހާބު އެއްކޮށްލުމުން، ރައްޔިތުންނަށް އެތަކެއް ފަސޭހައެއްް ލިބިގެންދާނެކަމަށާއި، ޕީއެންސީއަކީ ރާއްޖޭގައި އޮތް އެންމެ ހަރުދަނާ ޕާޓީއަކީ ޕީއެންސީ ކަމަށެވެ.
ޕީއެންސީއިން ދަނީ ރާއްޖޭގެ އެކިކަންކޮޅުތަކުގައި ވަރަށް ފޯރިއާއެކު ކެމްޕެއިންގެ ހަރަކާތްތައް ކުރިއަށްގެންދަމުންނެވެ.
