މެދުއިރުމަތީގައި މިހާރު ހަނގުރާމައާ ގުޅިހެން، ރާއްޖެއަށް އަސަރުކުރިނަމަވެސް، ތެލާއި ގޭސް ލިބުމުގެ ދަތިކަމެއް ނެތް ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
ނޫސްވެރިންނާ ބައްދަލުކުރައްވައި މިނިސްޓަރު ވިދާޅުވީ، ބައިނަލްއަގުވާމީ މާކެޓުތަކުގައި އިއްޔެ ތެލުގެ އަގު %25 އާއި %30 އަށް އުފުލުނު ކަމަށެވެ. މެދުއިރުމަތީގައި މިފަދަ ޖަމަނުޖެހުމެއް ހިނގައިފިނަމަ އަބަދުވެސް އެންމެ ކުރިން އަސަރުކުރާނީ ތެލާއި ގޭސްކަން މިނިސްޓަރު ވަނީ ފާހަގަކުރައްވާ ފައެވެ. މިނިސްޓަރު ވިދާޅުވީ ރާއްޖެއިން ތެޔޮ ބޭނުންކުރަނީ ވަރަށް ވިސްނައިގެން ކަމަށާއި،މިކަމުގައި ރާއްޖެއަށް އަދި އެއްވެސް ކަންބޮޑުވުމެއް ނެތް ކަމަށެވެ.
ކުރުކޮށް ދަންނަވާ ނަމަ ތެލަކަށް ނުޖެހޭނެ، އިރާދަކުރެއްވިއްޔާ. އެލްޕީޖީ ވެސް އަދި ތެޔޮ ވެސް ހިމަނައިގެން މި ދެންނެވީ.
މިނިސްޓަރު އިތުރަށް ވިދާޅުވީ،ހުރިހާ އެންމެންނަށް ކޭޓާ ކުރެވޭ ވަރަށް ތެލާއި ކާބޯތަކެތީގެ ރައްކާތެރިކަން ކަށަވަރު ކުރުމަށް ސަރުކާރުން ދަނީ މަސައްކަތް ކުރަމުންކަމަށެވެ. އަދި މުދާ ރައްކާކުރުމަށްވެސް އިތުރު ގޮތްތައް ހޯދަމުންދާ ކަން މިނިސްޓަރު ވަނީ ފާހަގަކުރައްވާފައެވެ. މިނިސްޓަރު ވިދާޅުވީ، މިހާރުވެސް ރާއްޖެއަށް ތޮޔު ޝިޕްމެންޓެއް އަންނަކަމަށެވެ.
ދިވެހި ރައްޔިތުންގެ ކާބޯތަކެތީ އަދި އަސާސީ ބޭނުންތަކަށް ބޭނުންވާ ތަކެތީގެ ރައްކާތެރިކަން ކަށަވަރުކުރުމަށް ސަރުކަާރުން މަސައްކަތް ކުރަމުން އަންނަ ކަމަށް ވެސް މިނިސްޓަރު ވަނީ ވިދާޅުވެފައެވެ.
