މެދުއިރުމަތީގައި މިހާރު ހިނގަމުންދާ ހަނގުރާމައާ ގުޅިގެން، ފަތުރުވެރިންނަށް ދޫކޮށްފައިވާ ވިސާގެ މުއްދަތު އިތުރުކުރުމަށް ނިންމާފައިވާ ކަމަށް އިމިގްރޭޝަނުން ބުނެފިއެވެ،

އިމިގްރޭޝަނުން ބުނީ، ދަތުރުފަތުރުގެ ނިޒާމަށް މިވަގުތު ކުރިމަތިވެފައިވާ ބުރޫތަކުގެ ސަބަބުން، ދަތުރުކުރުމުގައި ދަތިތަކާ ކުރިމަތިލާންޖެހިފައިވާ ފަތުރުވެރިންނަށް ދޫކޮށްފައިވާ ވިސާގެ މުއްދަތު އިތުރުކުރުމަށް ނިންމާފައިވާ ކަމަށެވެ. އިމިގްރޭޝަނުން ބުނީ އިމުގާ ޕޯރޓަލް މެދުވެރިކޮށް ވިސާގެ މުއްދަތު އިތުރުކުރެވޭނެ ކަމަށެވެ.

މެދުއިރުމަތީގައި ހިނގަމުންދާ ވައިގެ ހަނގުރާމައާ ގުޅިގެން، ރާއްޖެއަށް އަންނަ ފަތުރުވެރިންގެ ބޮޑު އިންސައްތައެއް އުފުލާ އެއާލައިންތަކުގެ ދަތުރުތައް ވަނީ ވަގުތީ ގޮތުން ހުއްޓާލައިފަ އެވެ. އެގޮތުން އިއްޔެ ވެސް ވަނީ ގަލްފްގެ 17 ފުލައިޓެއް ކެންސަލްވެފަ އެވެ. އިމިގްރޭޝަނުން ޓޫރިސްޓު ވިސާ ދޫކުރަނީ 30 ދުވަހަށެވެ.