މެދުއިރުމަތީގެ ހަމަނުޖެހުންތަކާ ގުޅިގެން ދިވެހީންނާއި ރާއްޖެއަށް ކޮށްފާނޭ އަސަރުތައް ކުޑަކުރުމަށް މަސައްކަތް ފައްޓަވާފައިވާކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެއެވެ.
ނޫސްވެރިންގެ ބައްދަލުވުމުގައި ވާހަކަދައްކަވަމުން ރައީސް ވިދާޅުވީ، މެދުއިރުމަތީގެ ގައުމުތަކުގައި މިހާރު ދިރިއުޅޭ ދިވެހިންގެ ޙާލު ގާތުން ބައްލަވަމުން ގެންދަވާ ކަމަށާއި، އަދި މިހާތަނަށް، ދިވެއްސެއްގެ ސަލާމަތާ ގުޅުންހުރި އެއްވެސް ކަންބޮޑުވުމެއް ނެތްކަމަށެވެ.
ރައީސް ވިދާޅުވީ، މައްސަލަ ގޯސްވެ، އިވެކުއޭޓްކުރަން ޖެހިއްޖެ ޙާލަތަކަށްވެސް ތައްޔާރުވަމުން ގެންދަވާކަމަށެވެ، މީގެއިތުރުން، މެދުއިރުމަތީގެ ވައިގެ ސަރަޙައްދުތައް ބަންދުކުރުމުގެ ސަބަބުން ރާއްޖެއިން ނުފުރި އަދި ރާއްޖެއަށް ނާދެވި ތިބި މީހުންގެ ދަތުރުތައް ރީރޫޓްކުރުމުގެ މަސައްކަތް ކުރައްވަމުންގެންދަވާކަމަށްވެސް ރައީސް ވަނީ ވިދާޅުވެފައެެވެ.
ރައީސް އިތުރަށް ވިދާޅުވީ ތެލުގެ ދަތިކަމެއް އަދި ނެތް ކަމަށާއި ކާބޯތަކެތި ނުލިބިދާނޭކަމުގެ ނުރައްކަލެެއްވެސް ރާއްޖެއަކަށް އަދި ނެތްކަމަށެވެ.
"އިރާދަކުރެއްވިއްޔާ ތެލަށް އެއްވެސް ވަރެއްގެ ކަންބޮޑުވުމެއް އަޅުގަނޑުމެންނަކަށް ދިމަލެއްނުވޭ. އެއްވެސް ވަރަކަށް ތެޔޮ ކުރިއަށް އޮތް ދުވަސްތަކުގައި އަޅުގަނޑުމެންނަށް ނުލިބޭނެ ކަހަލަ ގޮތަކަށެއް އަދި ނެތް. އެއްވެސް ވަރަކަށް ކަންބޮޑުވާންޖެހޭ ކަހަލަ އެއްވެސް ކަމެއް އިރާދަކުރެއްވިއްޔާ ތެލުގެ އިޝޫއެއް ނެތް. ކާބޯތަކެތީގެ އިޝޫ އެއްވެސް ނެތް."
ރައީސް ވިދާޅުވީ، ފަތުރުވެރިކަން ހިމާޔަތްކުރުމަށްޓަކައި، ރާއްޖެއަށް ދަތުރުކުރެވޭ މަގުތަކަށް ބަދަލުގެނެސް، އަމިއްލަ އެއަރލައިންގެ ޤާބިލިއްޔަތު އިތުރުކުރުމުގެ މަސައްކަތް ކުރަމުންގެންދާ ކަމަށެވެ،
