ޗާގޯސްއަކީ ތާރީޚަށް ބަލާއިރުވެސް، ރާއްޖޭގެ ތަނެއް ކަމަށާއި އެ ތަނުގެ ހައްގުވެރިންނާ ހަވާލުކުރާނަމަ ޗާގޯސް ހަވާލުކުރަން ޖެހޭނީ ރާއްޖެއާ ކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެއެވެ.

ނޫސްވެރިންނާ ބައްދަލުކުރައްވައި ވާހަކަފުޅު ދައްކަވަމުން ވިދާޅުވީ، ރައީސް ވިދާޅުވީ މޮރިޝަސް އިން ރާއްޖެއާ ސިޔާސީ ގުޅުން ކަނޑާލުމަކީ ވަރަށް ތާކުން ތާކުން ނުޖެހޭ ނިންމުމެއް ކަމަށާއި، އަދި އެ ނިންމުން ނިންމީ ރާއްޖެއާ މަޝްވަރާކުރުމެެއްވެސް ނެތިކަން ރައީސް ފާހަގަކުރެއްވިއެވެ.

"މޮރިޝަސްއިން ރާއްޖެއާ ސިޔާސީ ގުޅުން ކަނޑާލުމަކީ ވަރަށް ތާކުންތާކުނުޖެހޭ، ވަރަށް އިމެޗުއާ، ވަރަށް ނައީވް ނިންމުމެއް. އެ ނިންމުން، އެހެން ނިންމުމަކުންނެއް ހަގީގަތް ބަދަލެއް ނުވޭ. ރާއްޖެއާ ސިޔާސީ ގުޅުން ކަނޑާލިޔަސް މޮރިޝަސްއަށް ހައްގު ނޫން ތަނެއް، މޮރިޝަސްއަކަށް ހައްގެއް ނުވާނެ،"

ރައީސް ވިދާޅުވީ މޮރިޝަސް އިން ރާއްޖެއާ ގުޅުން ކަނޑާލިކަމުގައި ވިއަސް، ނިންމުން ބަދަލު ނުވާނެކަމަށާއި، ރާއްޖެ ކުރިއަށްދާނީ 'މޯލްޑިވްސް ފަސްޓް' ސިޔާސަތުގެ ދަށުން ކަމަަށެވެ. ރައީސް ވިދާޅުވީ، އިނގެރޭސި ވިލާތާއި މުއާމަލާތްކޮށްގެން ކަނޑުގެ ސަރަހައްދު ހޯދުމުގެ މަސައްކަތްކުރަމުންދާ ކަމަށެވެ. ރައީސް އިތުރަށް ވިދާޅުވީ، ރައީސް ވިދާޅުވީ، 16 ވަނަ ގަރުނުގެ ތެރޭގައި ޗާގޯސް ނުވަތަ ފޯޅަވަހީގެ ވާހަކަ ބަޔާންކޮށް، ކުރީގެ ރަސްކަލެއް ކަމަށްވާ ނުވަ ވަނަ ހަސަން ރަސްގެފާނު ފޮނުއްވާފައިވާ ސިޓީއަކާއި ޗާޓެއް ވެސް އެބައޮތް ކަމަށެވެ.