އީރާނާ ދެކޮޅަށް ހަމަލާތައް ދިނުމަށްޓަކައި، އެމެރިކާއިން އިނގިރޭސިވިލާތުގެ މިލިޓަރީ ބޭސްތަށް ބޭނުންކުރުމުގެ ހުއްދަ ދީފައިވާ ކަމަށް އިނގިރޭސިވިލާތުގެ ބޮޑުވަޒީރު ކެއިރް ސްޓާމަ ވިދާޅުވެއްޖެ އެވެ.
އޭނާ މިކަން ރަސްމީކޮށް އިއުލާން އެކްސްގައި ކުރެއްވި ޕޯސްޓެއްގަ އެވެ އެވެ. އޭނާ ވިދާޅުވި ގޮތުގައި، އެމެރިކާއިން ވަނީ ހަންގުރާމައިގަ ޑިފެންސިވް ބޭނުންތަކަށް އިނގިރޭސިވިލާތުގެ ބޭސްތައް ބޭނުން ކުރުމުގެ ހުއްދައަށް އެދިފަ އެވެ. އަދި އިނގިރޭސިވިލާތުން މި އެދުން ގަބޫލުކުރަން ނިންމީ އީރާނުން އެ ސަރަހައްދުގައި މިސައިލް ފޮނުވާލުން ހުއްޓުވުމަށްކަމަށް ވެސް އޭނާ ވިދާޅުވި އެވެ.
ހުއްދަ ދީފައިވާ ބޭސްތަކުގެ ތެރޭގައި އައްޑޫ ސިޓީގެ ދެކުނުގައި އޮންނަ ޑިއޭގޯ ގާސިއާ ވެސް ހިމެނެ އެވެ. ޑިއޭގޯ ގާސިއާ އަކީ އެމެރިކާ އާއި އިނގިރޭސިވިލާތް ގުޅިގެން ހިންގާ މިލިޓަރީ ބޭސްއެކެވެ.
އެމެރިކާ އާއި އިޒްރޭލު ގުޅިގެން އިރާނުގެ ވެރިކަން ބަދަލުކުރުމުގެ ބޭނުމުގައި އެގައުމަށް ހަމަލާތައް ދޭން ފެށީ މިދިޔަ ހޮނިހިރު ދުވަހު އެވެ. އެ ހަމަލާތަކުގައި އިރާނުގެ އެންމެ އިސް ލީޑަރު އާޔަތުﷲ އަލީ ހާމަނާއީ އާއި އިރާނުގެ ބައެއް އަސްކަރީ ކޮމާންޑަރުން ވަނީ އަވަހާރަކޮށްލާފަ އެވެ.
އެމެރިކާ އާއި އިޒްރޭލު ގުޅިގެން އިރާނަށް ދިން ހަމަލާތަކުގެ ރައްދުގައި އިރާނުން އަންނަނީ އިޒްރޭލާއި، އެމެރިކާގެ އަސްކަރީ މަރުކަޒުތައް ހުންނަ މެދުއިރުމަތީގެ ބައެއް ގައުމުތަކަށް ވެސް ހަމަލާތައް ދެމުންނެވެ.
