މިފަހުން އިސްލާމްދީނަށް ފުރައްސާރަކޮށް ސޯޝަލްމީޑިއާގައި ވާހަކަ ދެއްކި މީހާއާ، ޕީއެންސީއާ އެއްވެސް ރަސްމީ ގުޅުމެއް ނެތް ކަމަށް އެ ޕާޓީ އިން ބުނެފިއެވެ.
ޕީއެންސީ އިން ބުނީ، އިސްލާމްދީނަށް ފުރައްސާރަ ކުރުމުގެ ތުހުމަތުގައި ފުލުހުން ހޯދަމުންދާ މީހަކު، ޕީއެންސީގެ ކެންޑިޑޭޓުންނަށް ތާއީދުކޮށް ސޯޝަލް މީޑިއާގައި ވާހަކަދައްކާފައިވުމަކީ، މި ޕާޓީއާ އެއްވެސް ރަސްމީ ގުޅުމެއް އޮތް ކަމެއް ނޫން ކަމަށެވެ.
“އިސްލާމްދީނަށް ފުރައްސާރަކުރުން ފަދަ އަމަލުތައް ޕީއެންސީން އެންމެ ހަރުކަށި އިބާރާތުން ކުށްވެރިކުރަމެވެ.”
މިފަހުން ސޯޝަލްމީޑިއާގައި އިސްލާމްދީނަށް ފުރައްސާރަކުރި މީހަކު ފުލުހުންގެ ތަހުގީގަށް ހާޒިރުވުމަށް ފުލުހުން ވަނީ އިއުލާނުކޮށްފައެވެ.
