ރައީސް ޑރ މުއިއްޒު ރައްޔިތުން ގާތަށް ޒިޔާރަތްކުރައްވަނީ ވޯޓަކާއި ދިމާކޮށް ނޫން ކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވެއްޖެ އެވެ.
މިއަދު ބޭއްވި ޕީއެންސީގެ ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން މިނިސްޓަރު ވިދާޅުވީ ، ޝިޔާމް ވިދާޅުވީ، ގޮތް ނިންމާނީ ރައްޔިތުން ކަމަށާއި ރައީސް މުއިއްޒު އަކީ ރައްޔިތުންނާ ވަރަށް ގާތުން، ރައްޔިތުން ގާތު ކަންކަން އައްސަވައިގެން ގޮތް ނިންމާ ބޭފުޅެއް ކަމަށެވެ.
ޝިޔާމް ވިދާޅުވީ، ރައީސް ގާނޫނުއަސާސީ އިސްލަާހުކުރީ، ދެން އަންނަ ސަރުކާރަކަށް ވެސް ރައްޔިތުންގެ ހިޔާލު ނުހޯދާ ކަންކަން ނުނިންމޭ ގޮތަަށް ހެދުމަށް ކަމަަށެވެ. މީގެ ކުރިން ގާނޫނީ އަސާސީ އޮތް ގޮތުން މިފަދަ ކަންކަން، އޮތީ ރައްޔިތުންގެ ހިޔާލަކާއި ނުލައި ނިންމޭ ގޮތަށް ކަމަށް ޝިޔާމް ވިދާޅުވިއެވެ.
"ކޮމިއުނިޓީތަކުގެ ތެރޭގައި މި އުފެދޭ ސިޔާސީ އޮއިވަރަކީ، އެއް އިންތިހާބުން އަނެއް އިންތިހާބަށް ދާއިރު އާއިލާތަކުގެ ތެރޭގައި ހުންނަ މައްސަލަތަކަށް ހައްލެއް ނުވޭ.”
ޝިޔާމް ވިދާޅުވީ މިފަދަ ނުތަނަވަސްކަންތަކުގެ ތެރެއިން ރަށްރަށުގައި ހިންގަން ހުންނަ އިޖުތިމާއީ ކަންކަމާއި ސަރުކާރަކުން ފޯރުކޮށްދޭން ޖެހޭ މަޝްރޫއުތަކަށް ވަރަށް ބޮޑަށް އަސަރު ކުރާނެ ކަމަށެވެ.
“ސުލްހަ އާއި ސުލްހަ މަސަލަސްކަމާ ގުޅުން އެބަހުރި އިންތިހާބުތައް ގިނަވުމާ. ގައުމުގެ އެކި ތަންތަނުގެ އަމާންކަން އެބަ ގެއްލޭ.”
މީގެއިތުރުން ޝިޔާމް ވިދާޅުވީ ދެ އިންތިހާބު އެއްކޮށްލައިފިނަމަ، ރައްޔިތުންނާއި ގުޅިން ހުރި ކަންކަމަށް ވަރަށް ބޮޑެތި ފައިދާތަކެއް ލިބޭ ކަމަށެވެ.
