އިސްރާއީލާއި އެމެރިކާ ގުޅިގެން އީރާނަށް ދިން ވައިގެ ހަމަލާތަކާއި ގުޅިގެން، އީރާނުގެ ރޫހާނީ ލީޑަރު، އާޔަތުﷲ އަލީ ޚާމަނާއީ އަވަހާރަވެއްޖެ އެވެ.
ރޭގެ ވަގުތެއްގެއި އިރާނުން ވަނީ އެކަން އިއުލާނުކޮށްފައެވެ. ޚަމާނާއީ އާއެކު، އޭނާގެ އަންހެން ދަރިކަނބަލަކާއި ކާފަ ދަރިކަލަކު ވެސް އަވަހާރަކޮށްލާފައިވާ ކަމަށް އިރާނުގެ މީޑިއާތަކުން ވަނީ ރިޕޯޓްކޮށްފަ އެވެ. މީގެއިތުރުން، އިރާނަށް ދިން ހަމަލާއެއްގައި އަންހެން ދަރިކަނބަލަކާއި ކާފަ ދަރިކަލުން ވެސް އަވަހާރަވެފައިވާ ކަމަށް މީޑިއާތަކުން ވަނީ ރިޕޯޓްކޮށްފަ އެވެ.
ފުރަތަމަ ޚަމާނާއީ އަވަހާރަވިކަން އިއުލާނު ކުރެއްވީ، އިސްރާއީލްގެ ބޮޑުވަޒީރު ބެންޖަމިން ނަތަންޔާހޫ އާއި އެމެރިކާގެ ރައީސް ޑޮނަލްޑް ޓްރަމްޕް އެވެ. ޓްރަމްޕް ވިދާޅުވީ ޚަމާނާއި އަވަހާރަކޮށްލުމަކީ އެމެރިކާގެ ރައްޔިތުންނަށް ލިބުނު އިންސާފެއް ކަމަަށެވެ.
އަދި އެންމެ ޒަމާނީ ޓްރެކިން ސިސްޓަމްތަކަށް ޚަމާނާއީ އަށް ފިއްލަވައިގެން ނޫޅެވުނު ކަމަށް ވެސް ޓްރަމްޕް ވަނީ ވިދާޅުވެފައެވެ.
ޓްރަމްޕް ވިދާޅުވީ، ޚަމާނާއީ އަވަހާރަވިކަމުގައި ވިއަސް ބޮން އެޅުން ނުހުއްޓާނެ ކަމަށެވެ. އިރާނުން ރައްދުގައި ބުނީ، ޚާމާނާއި އަވަހާރަކޮށްލިކަމުގެ ބަދަލު އެ ގައުމުން ހިފާނެ ކަމަށެވެ.
އާޔަތު الله ރޫހުއް الله ހުމައިނީ 1989 ވަނަ އަހަރު އަވަހާރަވުމާ ގުޅިގެން ވެރިކަމަށް ވަޑައިގަތީއްސުރެ، ޚަމާނާއީ ވަނީ އިރާނުގެ އިސްވެރިޔަކަށް ހުންނަވައި، އެތައް މަސައްކަތްތަކެއް ކުރައްވައި ގައުމުގެ ރައްޔިތުންގެ ލޯބި ހޯއްދަވާފައެވެ.
