މެދުއިރުމަތީގައި ހިންގަމުންދާ ވައިގެ ހަމަލާތައް ކުށްވެރިކޮށް، ސުލްހަ ގާއިމްކުރުމަށް ރާއްޖޭ އިން ގޮވާލައިފި އެެވެ.
ފޮރިން މިނިސްޓްރީއިން ވަކި ގައުމެއްގެ ނަން ހާމަ ނުކޮށް ނެރުނު ބަޔާނުގައި ބުނީ މެދުއިރުމަތީގަައި ހިނގަމުންދާ ހަމަލާތަކާއި ގުޅިގެން ރާއްޖެ އިން ކަންބޮނޑުވާ ކަމަށެވެ. މީގެ އިތުރުން، ހުރިހާ ދިމާލަކުން ދެމުންދާ ހަމަލާތައް ވެސް ކުށްވެރިކޮށްފައިވާއިރު، ސުލްހަވެރިކަން ގާއިމްކުރުމަށް އެ ބަޔާނުގައި ވަނީ ގޮވާލާފަ އެވެ.
ހަމަމިއާއެކު، އދ ގެ ވާޖިބުތަކާައި ގަވާއިދުތަކަށް ތަބާވެ، ސުލްހަމަސަލަސްކަން ގާއިމުކުރުމަށް، ބަޔާނުގައި ބުނެފަައިވެ އެވެ.
އެ ބަޔާނުގައި، ބައިނަލްއަގުވާމީ ސުލްހަ އާއި ހަމަޖެހުން ގާއިމް ކުރުމުގައި ހުރިހާ ގައުމަކުންވެސް ގުޅިގެން މަސައްކަތްކުރުމަށް ވަނީ އިލްތިމާސްކޮށްފަ އެވެ.
