މެދުއިރުމަތީގައި މިހާރު ހިނގަމުންދާ ހަމަނުޖެހުންތަކާއި ގުޅިގެން ދަތުރުކުރާ ފަރާތްތަކުން އެއަރޕޯޓަށް ޒިޔާރަތްކުރުމުގެ ކުރިން ފްލައިޓަށް އަންނަ ބަދަލުތައް ބެލުމަށް އެމްއޭސީއެލް އިން އެދިއްޖެއެވެ.
އެގޮތުން، އެ ފަސިންޖަރަކު ފުރުމަށް ހަމަޖެހިފައިވާ ފްލައިޓްގެ މައުލޫމާތު އެއަރލައިންގެ ވެބްސައިޓާއި، ޓުއަރ އޮޕަރޭޓަރުން މެދުވެރިކޮށް ހޯދުމަށް އެމްއޭސީއެލް އިން ވަނީ އިލްތިމާސްކޮށްފައެވެ.
އެގޮތުން އެމްއޭސީއެލް އިން ވަނީ ފަސިންޖަރުން ސަމާލުވާންޖެހޭ ކަންކަން ހިއްސާކޮށްފައެވެ.
- ދަތުރުކުރާ އެެއަރލައިންގެ ވެބްސައިޓް ނޫނީ މޮބައިލް އެޕް މެދުވެރިކޮށް، ދަތުރުގެ އެންމެ ފަހުގެ މައުލޫމާތު ހޯދުން
- ޓުއަރ އޮޕަރޭޓަރުން މެދުވެރިކޮށް ދަތުރު އަދި ފްލައިޓްތަކުގެ އެންމެ ފަހުގެ މައުލޫމާތު ހޯދުން
- ޓުއަރ އޮޕަރޭޓަރުންގެ އިރުޝާދަށް ތަބާވުން
- ދުރާލާ ދަތުރަށް ތައްޔާރުވުން
ފްލައިޓްތަކަށް އަންނަ ބަދަލުތައް މައުލޫމާތު fis.com.mv އިން ލިބޭނެއެވެ.
ޓޫރިޒަމް މިނިސްޓްރީން ނެރުނު ބަޔާނުގައި ވެސް ވަނީ ފަތުރުވެރިން އެއާޕޯޓަށް ފުރުވުމުގެ ކުރިން އެއާލައިންތަކުން ޝެޑިއުލަށް ގެނެސްފައިވާ ބަދަލިތައް ރަނގަޅަށް ކަށަވަރުކުރުމަށް ރިސޯޓްތަކާއި ފަތުރުވެރިކަމުގެ ހިދުމަތްދޭ ތަންތަނަށް އިލްތިމާސްކޮށްފަ އެވެ. އަދި ދަތުރުތައް ކެންސަލް ވުމުގެ ސަބަބުން މަޑުކުރަން ޖެހިފައިވާ ފަރާތްތަކުން އެއާލައިންތަކާއި ކަމާ ގުުން ހުރި ފަރާތްތަކުގެ އިރުޝާދުތަކަށް އިލްތިމާސްކޮށްފައިވެ އެވެ.
