ތ.ވިލުފުށީ ބިން ހިއްކުމުގެ މަޝްރޫއުގެ މަސައްކަތުގެ ތެރެއިން 90 އިންސައްތަގެ މަސައްކަތް ނިމިއްޖެ ކަމަށް،މޯލްޑިވްސް އެއާޕޯޓްސް ކޮމްޕެނީ ލިމިޓެޑް، އެމްއޭސީއެލުން ބުނެފިއެވެ.

އެގޮތުން، އެމްއޭސީއެލް އިން ބުނީ، މި މަޝްރޫއުގެ ދަށުން ހިއްކުމަށް ހަމަޖެހިފައިވާ، 81 ހެކްޓަރުގެ ތެރެއިން 79 ހެކްޓަރުގެ ބިން މިހާރު ހިއްކާ ނިމިފައިވާ ކަމަަށެވެ.

މި މަޝްރޫއު ނިމުމަކާއި ހަމައަށް އައިސްފައިވާއިރު، ބިން ހިއްކުމުގެ 90 އިންސައްތައިގެ މަސައްކަތް ނިމިފައިވާ ކަމަށް އެމްއޭސީއެލް އިން ވަނީ ހާމަކޮށްފައެވެ. އެކުންފުނިން ބުނީ،މި މަޝްރޫއުގެ މަސައްކަތް ޝެޑިއުލާއި އެއްގޮތަށް ކުރިޔަށްދާ ކަމަށެވެ.

މި މަޝްރޫއުގެ ބިން ހިއްކަނީ ،11300 ޓަނުގެ ކެޕޭސިޓީ ހުރި ޑްރެޖަރެއް ބޭނުންކޮށްގެންނެވެ. މި މަސައްކަތް ފަށާފައިވަނީ މިއަހަރުގެ ޖެނުއަރީ މަހުގައެވެ.