ބ. އަތޮޅު ދަރަވަންދޫ އެެއަރޕޯޓުގެ ރަންވޭ ބޮޑުކުރުމުގެ މަޝްރޫއުގެ ދަށުން ބިން ހިއްކަން އުޅޭ ވާހަކަ ޓްރާންސްޕޯޓް މިނިސްޓަރު މުހައްމަދު އަމީން ދޮގުކުރައްވައިފިއެވެ.
ބ. އަތޮޅުގެ ބަޔޮސްފިއަރ ރިޒާވުގައި ހިމެނޭ ހަނިފަރު ބޭ ކައިރީ އޮންނަ ދަރަވަންދޫ އިން އެ ސަރަހައްދާ ވަރަށް ކައިރިން އެއާޕޯޓަށް ބިން ހިއްކަން އުޅޭ ކަމަށް ބުނެ ބައެއް މީޑިއާތަކުން ރިޕޯޓުކޮށްފައިވެ އެވެ. އެހެން ނަމަވެސް މިނިސްޓަރު އަމީން ވަނީ އެވާހަކަތައް ދޮގު ކުރައްވާފައެވެ.
މިނިސްޓަރު އެކްސްގައި ހިއްސާކުރެއްވި ޕޯސްޓެއްގައި ވިދާޅުވީ، ދަރަވަންދޫ އެއަރޕޯޓްގެ ރަންވޭ ބޮޑުކުރުމާއި ގުޅިގެން، މީޑިއާތަކުގައި ފަތުރަމުން ދަނީ ދޮގު ވާހަކަތަކެއް ކަމަށެވެ.
މިނިސްޓަރު ވިދާޅުވީ، ސަރުކާރުން ދަރަވަންދޫ އެއަރޕޯޓަށް އެކުލަވާލާފައިޗާ ޕްލޭން އަކީ، އެއާޕޯޓުގެ ވަސީލަތްތައް އަޕްގްރޭޑްކޮށް، ފަސިންޖަރުންގެ ތަޖުރިބާއާއި އޮޕަރޭޝަނަލް އެފިޝަންސީ ރަނގަޅު ކުރުމަށް ޓާމިނަލްގެ ހިންގުމުގެ ފެންވަރު ރަނގަޅުކުރުން ކަމަށެވެ.
މިކަމާއި ގުޅިގެން، ގެދޮރުވެރިކަމާއި ބެހޭ މިނިސްޓަރު،ޑރ. އަބްދުﷲ މުއްތަލިބު "އެކްސް” ގައި ވިދާޅުވީ، ދަރަވަންދޫގައި ބިން ހިއްކުމުގެ އެއްވެސް މަޝްރޫއެއް ކުރިއަށްނުދާ ކަމަށެވެ. މުއްތަލިބު ވިދާޅުވީ، އެފަދަ ޕްރޮޖެކްޓެއް އޮތްނަމަ،ރަށު ކައުންސިލާ ރަސްމީކޮށް މުއާމަލާތްކޮށް ޕްރޮޖެކްޓްގެ އެއްބަސްވުންތަކުގައި ސޮއި ކުރާނެ ކަމަށެވެ.
