ރައްޔިތުންނަށް އެންމެ ފައިދާވާނީ ދެ އިންތިޚާބު އެއް ދުވަހެއްގައި ބާއްވައިގެން ކަމަށް ރައީސް ޑރ މުހައްމަދު މުއިއްޒު ވުދާޅުވެއްޖެއެވެ.
ޕީއެންސީން ބޭއްވީ ތަރާވީސް ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ، ދެ އިންތިޚާބު އެއްކޮށްލުމުގެ އެންމެ ބޮޑު ބޭނުމަކީ ރައްޔިތުން ތަމްސީލުކުރުމަށް ހޮވާ މަޖިލިސް މެންބަރުން ހޮވުމަށް ގިނަ ރައްޔިތުން ވޯޓު ލުން ކަމަށެވެ.
ރައީސް ވިދާޅުވީ އެގޮތަށް ބަދަލުވެއްޖެ ނަމަ، ރައްޔިތުންގެ ބައިވެރިވުން އިތުރުވާނެ ކަމަށެވެ.
“މިހާތަނަށް އަދަދުތަކަށް ބަލާއިރު، އެންމެ ގިނަ ރައްޔިތުން ވޯޓު ލާން ނިކުމެފަވަނީ ރިޔާސީ އިންތިޚާބުގައި. މަޖިލީހާއި ކައުންސިލް އިންތިޚާބަށްވުރެ އެތައް ގުނައެއް އިތުރު."
އެމަނިކުފާނު ވަނީ 2008 ވަނަ އަހަރުން ފެށިގެން ބޭއްވި ރިޔާސީ އިންތިހާބާއި ރައްޔިތުންގެ މަޖިލިހުގެ އިންތިހާބުގައި ވޯޓުލީ އާބާދީގެ ތަފްސީލު ހިއްސާ ކުރައްވައިފަ އެވެ.
ރިޔާސީ އިންތިހާބު 2008
– ފުރަތަމަ ބުރުގައި 85.3 ޕަސެންޓު މީހުން
– ދެ ވަނަ ބުރުގައި 86.5 ޕަސެންޓު މީހުން
މަޖިލިސް އިންތިހާބު 2009
– ވޯޓުލީ 70 ޕަސެންޓު މީހުން
ރިޔާސީ އިންތިހާބު 2013
– ފުރަތަމަ ބުރުގައި ވޯޓުލާފައިވަނީ 87.2 ޕަސެންޓު މީހުން
– ދެ ވަނަ ބުރުގައި 91.4 ޕަސެންޓު މީހުން
މަޖިލިސް އިންތިހާބު 2014
– ވޯޓުލާފައިވަނީ 78.8 ޕަސެންޓު މީހުން
ރިޔާސީ އިންތިހާބު 2018
– ވޯޓުލީ 89.2 ޕަސެންޓު މީހުން
މަޖިލިސް އިންތިހާބު 2019
– ވޯޓުލާފައިވަނީ 81.1 ޕަސެންޓު
– ފުރަތަމަ ބުރުގައި ވޯޓުލާފައިވަނީ 87.2 ޕަސެންޓު މީހުން
– ދެ ވަނަ ބުރުގައި 91.4 ޕަސެންޓު މީހުން
މަޖިލިސް އިންތިހާބު 2014
– ވޯޓުލާފައިވަނީ 78.8 ޕަސެންޓު މީހުން
ރިޔާސީ އިންތިހާބު 2018
– ވޯޓުލީ 89.2 ޕަސެންޓު މީހުން
މަޖިލިސް އިންތިހާބު 2019
– ވޯޓުލާފައިވަނީ 81.1 ޕަސެންޓު
ރައީސް ވިދާޅުވީ ދެ އިންތިޚާބު އެއްކޮށްލުމަށް ރައްޔިތުން ނިންމައިފިނަމަ، ބަޖެޓް ފާސްކުރުމަށް އަލަށް ހޮވާ މަޖިލީހަށް ފުރުސަތު ދޭ ގޮތަށް މާލިއްޔަތު ގާނޫނަަށްވެސް ބަދަލު ގެންނަވަން ހުށަހަޅުއްވާނެ ކަމަށެވެ.
އެމަނިކުފާނު ވިދާޅުވީ ޑިމޮކްރަސީގައި ވެސް އެންމެ ރަނގަޅު ގޮތަކީ ދެ އިންތިޚާބު އެއް ދުވަހެއްގައި ބޭއްވުން ކަމަށެވެ.
ރައީސް އިތުރަށް ވިދާޅުވީ، މިހާރު އިންތިހާބުތައް އޮންނަ ގޮތުން، ސަރުކާރުގެ މެނިފެސްޓޯއާ އެއްގޮތަށް މަަސައްކަތްކުރަން އުނދަގޫވާ ކަމަށެެވެ. އެހެންކަމަން، އެންމެ ބޮޑު ފައިދާ އަކީ އިންތިޚާބުވާ ސަރުކާރުގެ މެނިފެސްޓޯއާ އެއްގޮތަށް، ކުރިއަށް އޮންނަ އަހަރުގެ ބަޖެޓު އެކުލަވާލުމަށް މަޖިލީހަށް ފުރުސަތު ލިބުން ކަމަށް ރައަިސް ވަނީ ވިދާޅުވެފައެވެ.
ދެ އިންތިޚާބު އެއްކޮށްލުމަށް، ރައްޔިތުންގެ މެދުގައި ނަގާ ފެންނަ ނުފެންނަ ވޯޓު ނެގުމަށް ހަމަޖެހިފައިވަނީ ލޯކަލް ކައުންސިލް އިންތިޚާބު އޮންނަ، އޭޕްރީލް 4 ވަނަ ދުވަހުގައެވެ.
