ވެެމްކޯގެ ސައިޓެއްގައި މަސައްކަތްކުރަމުން ދަނިކޮށް، އަނިޔާވި މުވައްޒަފަށް ފަރުވާ ދެމުން އަންނަކަމަށާއި، ހާލު ރަނގަޅުވަމުން އަންނަ ކަމަށް ވެމްކޯ އިން ބުނެފިއެވެ.
މި ހާދިސާ ހިނގާފައިވަނީ މިދިޔަ އާދީއްތަ ދުވަހުގެ ރޭ ދަންވަރުގެ ވަގުތެއްގައެވެ. ވެމްކޯ އިން ބުނީ މުވައްޒަފު ވެންޓިލޭޓަރުން ނަގާފައިވާ ކަމަށާއި، މިހާރު ފަރުވާދެމުންދަނީ ސަރޖިކަލް އެޗްޑީޔޫގައި ކަމަށް ވެމްކޯ އިން ވަނީ މައުލޫމާތު ދީފައެވެ.
ވެމްކޯ އިން ބުނީ އެ މުވައްޒަފުގެ ހާލު ރަނގަޅުވަމުން އަންނަ ކަމަށާއި، އަނިޔާވި މުވައްޒަފަށް ބޭނުންވާ ހުރިހާ އެހީތެރިކަމެއް އެ ކުންފުނިން ފޯރުކޮށްދެމުން އަންނަ ކަަމަށެވެ.
އެގޮތުން، ކުންފުނީގެ އެޗްއާރް އަދި ވެލްފެއަރ ޑިޕާޓްމެންޓްގެ މުވައްޒަފެއް މުވައްޒަފުގެ އާއިލާއާއެކު 24 ގަޑިއިރު ހޮސްޕިޓަލްގައި ހަރަކާތްތެރިވަމުން ދާނެ ކަމަށެވެ.
މުވައްޒަފުގެ ބޭސްފަރުވާގެ ހުރިހާ ކަމެއް ހަމަޖައްސާނީ ވެމްކޯ އިން ކަމަށް އެކުންފުނިން ވަނީ މައުލޫމާތު ދީފައެވެ.
