ސްޓްރޯކެއް ޖެހިގެން އުމުރުން 62 އަހަރުގެ ނިމާލަށް މިދިޔަ ދުވަސްތަކުގައި ފަރުވާދެމުން އައީ އައިޖީއެމްއެޗްގަ އެވެ. ނިމާލަށް ސްޓްރޯކެއް ޖެހުނީ ސައިކަލުގައި ދުއްވާފައި ދަނިކޮށެވެ. ނިމާލުގެ ހާލު ސީރިއަސްވުމުން މިދިޔަ ދުވަސްތަކުގައި ފަރުވާދިނީ ވެންޓިލޭޓަރުގެ އެހީގަ އެވެ.

އޭނާއަކީ ކުޅަދާނަ ޑައިރެކްޓަރެއްގެ އިތުރުން އެޑިޓަރެއް، ލިޔުންތެރިއެއް އަދި ޕްރޮޑިއުސަރެއް ވެސްމެ އެވެ. ދިވެހި ފިލްމީ ދާއިރާއަށް ގިނަގުނަ ހިދުމަތްތަކެއް ކޮށްދީފައިވާ ނިމާލު ވަނީ 1984 ވަނަ އަހަރު ފިލްމު "ނުފޫޒު" އިން ފެށިގެން މިހާތަނަށް 22 ވުރެ ގިނަ ފިލްމު ޑައިރެކްޓް ކޮށްފަ އެވެ. މި ފަހުން ނިކުތް ގިނަ ފިލްމުތަކުގައި ވެސް ނިމާލު ވަނީ މަގުބޫލު ރޯލުތަކަކުން ފެނިގެން ގޮސްފައިވާއިރު، ނިމާލްގެ ފާހަގަކޮށްލެވޭ ބައެއް މަސައްކަތްތަކުގެ ތެރޭގައި 1993 ވަނަ އަހަރު އޭނާ ލިޔެ، ޑައިރެކްޓުކޮށް އަދި އެކްޓުކުރި ދިވެހި ފިލްމު "ސިޓީ" އަކީ ބެލުންތެރިންގެ ވަރަށް ބޮޑު މަގުބޫލު ކަމެއް ހޯދި ފިލްމެކެވެ.