މާލޭ ބޮޑުތަކުރުފާނު މަގުން ބާރަށް ދުއްވި ސައިކަލެއް ކޮންޓްރޯލްނުވެ ރޭ ދަންވަރު ހިނގި އެކްސިޑެންޓެއްގައި 16 އަހަރުގެ ކުއްޖަކު ނިޔާވެއްޖެ އެވެ.
ފުލުހުން ބުނި ގޮތުގައި ރޭ ދަންވަރު 1:39 ހާ އިރު އެ ހިދުމަތަށް އެކްސިޑެންޓެއް ހިންގި ކަމުގެ މައުލޫމާތު ލިބިފަ އެވެ. އެކްސިޑެންޓްވިއިރު ސައިކަލް ދުއްވަން އިނީ 19 އަހަރުގެ ފިރިހެނެކެވެ. 16 އަހަރުގެ ފިރިހެން ކުއްޖާއަކީ ސައިކަލްގެ ފަހަތުގައި އިން ކުއްޖެކެވެ. ދެމީހުންނަކީ ވެސް ދިވެހިންނެވެ.
ފުލުހުން އިތުރަށް ބުނި ގޮތުގައި ސައިކަލްގެ ފަހަތުގައި އިން 16 އަހަރުގެ ކުއްޖާއަށް ފަރުވާ ދެމުން ދަނިކޮށް އޭނާ ވަނީ ނިޔާވެފަ އެވެ. އެކްސިޑެންޓްވި ސައިކަލް ދުއްވާފައި ވަނީ ސައިކަލް ދުއްވުމުގެ ލައިސަންސް ވެސް ނެތް މީހެކެވެ.
މިމައްސަލަ ފުލުހުން ގެންދަނީ ތަހްގީގު ކުރަމުންނެވެ.
